پەرلەمانتارێکی عێراق چەند نهێنییەک لەسەر کاندیدەکانی سەرکۆمار ئاشکرادەکات

هەواڵ / کوردستان :: 23/09/2018‌ :: 2176‌ جار بینراوە

دواڕۆژ، هانا چۆمانی 
پەرلەمانتارێکی گۆڕان ئاشكرایده‌كات: هەر سێ کاندیدە کوردەكه‌ بۆ سەرکۆماری عێراق ململانێیەکی توند دەکەن و ئەگەر رێکەوتن نەکرێت، بەخولی یەکەمی دەنگدان کەسیان دەرناچن و دەبێت پەنا بۆ خولی دووەم ببەن و هەرسێ کاندیدەکەش خەریکی لۆبیکردن و دەنگ کۆکردنەوەن.


مەحمود رەزا، ئەندامی پێشووی پەرلەمانی عێراق لە فراکسیۆنی گۆڕان، بە دواڕۆژی راگەیاند: کێبڕکێ لەنێوان سێ کاندیدی کوردەکە زۆر بەهێزە و ئەگەری ئەوەیە هەیە کێبڕکێی بەهێز لەنێوان چەند کاندیدێکدا هەبێت کە ئەوانیش بریتین لە (بەرهەم ساڵح کاندیدی یەکێتی، فوئاد حسێن، کاندیدی پارتی و سروە عبدولواحید کاندیدی سەربەخۆ) لەو سێ کەسە یەکێکیان دەبێت بە سەرکۆماری عێراق.

وتیشی: "ئەگەر پارتی و یەکێتی بەر لەرۆژی هەڵبژاردن رێکكنەکەون ئەوا بەدڵنیایی هەڵبژاردن بە قۆناغی یەکەم کۆتایی نایەت، چونکە هیچیان دەنگی پێویست ناهێنن، لەبەر کۆمەڵێک هۆکار لەوانە کاندیدی یەکێتی دەنگەکانی خۆی و بەشێکی شیعەکانی لەگەڵە کاندیدی پارتی دەنگەکانی خۆیان و بەشێکی سوننەکانی لەگەڵە، سروە عەبدولواحیدایش دەنگی زۆربەی ژنە پەرلەمانتارەکان و بەشێکی سەربەخۆکانیشی لەگەڵە، بۆیە کەسیان بە قۆناغی یەکەم دەرناچن".

هەروەها ئەوەشی خستەڕوو: ئیستا پارتی و یەکێتی لەبە‌غدا بەجیا لە گفتوگۆ و لۆبی دروستکردندان و هەروەها سروە عەبدولواحیدیش لەڕێگەی رێکخراوەکانی کۆمەڵگەی مەدەنی و ژنان و چالاکان و پەرلەمانتارە ژنەکان لۆبی بۆدەکرێت، بۆیە تائیستا هیچ یەکێکیان مەرج و دەنگی دەرچونیان مسۆگەر نیە، بۆیە ئەگەر پارتی و یەکێتی رێکكەوتن نەکەن ئەوا بە ئاسانی ئەو پرسە یەکلا نابێتەوە.



created by Avesta Group and powered by Microsoft Azure