هاوپه‌یمانی له‌باره‌ى چوونی ئه‌ندامه‌كانیان بۆ ناو حزبه‌كان په‌یامێكی بڵاوكرده‌وه‌

هەواڵ / کوردستان :: 23/09/2018‌ :: 796‌ جار بینراوە

دواڕۆژ، هۆگر کەمال
هاوپەیمانی بۆ دیموکراسی و دادپەروەری رایده‌گه‌یه‌نێت هەندێك هێز دەیانەوێت سیناریۆی دووبارە وەك بانگەشە بەکاربهێنن و لە کەناڵەکانی خۆیانەوە وای نیشانبدەن کە هاودیدانی هاوپەیمانی پەیوەندیان پێوەدەکەن و دەچنە ڕیزەکانیان و پشتیوانی لیستەکانیان دەکەن.

له‌و راگه‌یه‌نراوه‌ى هاوپه‌یمانیدا هاتووه‌ "لێرەوە ڕایدەگەیەنین ئەو جۆرە سیناریۆیانە وێڕای ئەوەی یاریکردنە بە شکۆی مرۆڤ، ئەوا سیناریۆی دووبارەن و شەرعییەتدانێکی پیشوەختەیە بە گزی و ساختەکاری دژ بەئیرادەی دەنگدەرانی کوردستان و هیچ کاریگەریەك لەسەر هاودیدان و رەوتی عەدالەخوازانەی هاوپەیمانی دروست ناکەن".

ڕاگەیەنراوێك بۆ ڕای گشتی
هاوڵاتیانی بەڕێزی کوردستان
لە ئێستادا هەرێمی کوردستان بەڕۆژانی بانگەشەی هەڵبژاردندا تێپەڕ دەبێت و هەر هێزەی دەیەوێت زۆرترین دەنگدەر بۆ لیستەکەی بەدەست بهێنێت، بۆ ئەم مەبەستەش هەندێك جار پەنا بۆ ڕێگای ناتەندروستی بانگەشەی هەڵبژاردن دەبەن

ئێمە لە هاوپەیمانی بۆ دیموکراسی و دادپەروەری ئەوەمان زانیوە کە لە ڕۆژانی کۆتایی هەڵبژاردندا هەندێك هێز دەیانەوێت سیناریۆی دووبارە وەك بانگەشە بەکار بهێنن و لە کەناڵەکانی خۆیانەوە وای نیشان بدەن کە هاودیدانی هاوپەیمانی پەیوەندیان پێوە دەکەن و دەچنە ڕیزەکانیان و پشتیوانی لیستەکانیان دەکەن

ئێمە لێرەوە پێشوەخت ڕایدەگەیەنین ئەو جۆرە سیناریۆیانە وێڕای ئەوەی یاری کردنە بە شکۆی مرۆڤ ئەوا  سیناریۆی دووبارەن و وە شەرعییەتدانێکی پیشوەختە یە بەگزی وساختەکاری دژ بەئیرادەی دەنگدەرانی کوردستان ورایدەگەیەنین کە ئەو یارییە قێزەونانە هیچ کاریگەریەك لەسەر هاودیدان و رەوتی عەدالەخوازانەی هاوپەیمانی دروست ناکەن و جگە لە بانگەشەیەکی ناتەندروستی بێزراوی هەڵبژاردن هیچیتر نیە.

لێرەوە دڵنیایی دەدەین کە هاوپەیمانی وەك بزافێکی سیاسی مەدەنی فراوان بەردەوام دەبێت لەسەر هەموو ئەو ئامانجانەی لە پێناویاندا دروست بوە..

سەرکەوێت ئیرادەی دیموکراسی ودادپەروەری
هاوپەیمانی بۆ دیموکراسی و دادپەروەری
2018/9/23

 

ژ.م



created by Avesta Group and powered by Microsoft Azure