ئه‌وقاف: گۆتنا خه‌به‌ران ل مزگه‌فته‌كا زاخۆ نه‌راسته‌

هەواڵ / کوردستان :: 18/09/2018‌ :: 215‌ جار بینراوە

تاگ :: دهۆك

دواڕۆژ، دهۆك
رێڤه‌به‌رێ ئه‌وقافا زاخۆ ب وه‌كاله‌ت راگه‌هاند: ئه‌و ڤیدیۆیا ل تورێن جڤاكی به‌لاڤ بووی و دهێـه‌ گۆتن كول مزگه‌فته‌كا زاخۆ خه‌به‌ر دهێنه‌ گۆتن و بانگه‌شه‌یا هه‌لبژاردنان دهێته‌ كرن نه‌راسته‌.

دوو رۆژێن ده‌ربازبووی ڤیدیۆیه‌ك ل تۆرێن جڤاكی به‌لاڤ بوویه‌ كو كه‌سه‌ك تێدا لایه‌نگیریا پارتی دیموكراتی كوردستان دكه‌ت بۆ هه‌لبژاردنان، خه‌به‌ران دبێژیته‌ وان كه‌سان یێن وێنه‌یێن كاندیدێن پارتی دیموكراتی كوردستان درینن و دگه‌ل وی ده‌نگی مناره‌یا مزگه‌فته‌ك زاخۆ ده‌ردكه‌ڤیت.

لدۆر وێ ڤیدیۆیێ، ده‌شتان یوسڤ رێڤه‌‌به‌رێ ئه‌وقافا زاخۆ ب وه‌كاله‌ت بۆ دواڕۆژ گۆت:"چو به‌لگه‌یێن دروست نه‌كه‌ڤیتنه‌ به‌رده‌ستێ وان كو كه‌سه‌كی ل مزگه‌فته‌كا زاخۆ خه‌به‌ر گۆتبن یان بانگه‌شه‌ كربیت، هه‌ر كه‌سێ به‌لگه‌یه‌ك ئاشكه‌را هه‌بیت بلا بگه‌هینیت مه‌ ئه‌م ژی دێ دووڤچوونێ بۆ كه‌ین".

ناڤبۆری خوه‌یاكر:"به‌ری بانگه‌شه‌ بۆ هه‌لبژاردنێن په‌ر‌له‌مانێ كوردستانێ ده‌ستپێبكه‌ت هه‌موو كارمه‌ندێن مزگه‌فتان ژ ئالیێ رێڤه‌به‌ریا ئه‌وقافا زاخۆ هاتبوون ئاگه‌هداركرن كو نابیت ب چو ره‌نگان بانگه‌شه‌یێ بۆ چو هێزان بكه‌ن".



created by Avesta Group and powered by Microsoft Azure