سه‌ندیكا ده‌رمانسازان هوشداریێ ب بازرگانیكرنا ده‌رمانێن قه‌چاغ دده‌ت

هەواڵ / کوردستان :: 18/09/2018‌ :: 216‌ جار بینراوە

دواڕۆژ، بورهان یه‌حیا
سه‌ندیكا ده‌رمانسازێن كوردستانێ ب نڤیسارا فه‌رمی داخوازێ ژ هه‌موو ده‌رمانسازان دكه‌ت وان ده‌رمانێن قه‌چاغ یێن ناڤ كۆگه‌هێن خۆ راده‌ست بكه‌ن ئه‌گه‌ر نه‌ دێ لێپرسینا یاسایی دگه‌ل وان هێته‌كرن.

سه‌ندیكا ده‌رمانسازێن كوردستانێ تایێ دهۆك د راگه‌هاندنه‌كێ دا كو دانه‌یه‌ك به‌رده‌ستێ دواڕۆژه‌ ئاماژه‌كرییه‌ "بۆ پتر خزمه‌تكرنا كه‌رتێ ده‌رمانان و ژناڤبرنا ده‌رمانێن قه‌چاغ نڤیسارا فه‌رمی بۆ گشت ده‌رمانساز و ده‌رمانخانه‌یان هاتییه‌ هنارتن كو هه‌ر جۆر و رێژه‌یه‌كا ده‌رمانێن سه‌خته‌ ل كۆگه‌هێن وان دا هه‌بن راده‌ست بكه‌ن بۆ هندێ بهێنه‌ ژناڤبرن و به‌رۆڤاژی ڤێ چه‌ندێ دێ پێرابوونێن یاسایی ده‌رحه‌ق وان هێنه‌ وه‌رگرتن".

خویاكر "لژنه‌یێن تایبه‌ت یێن سه‌ندیكا ده‌رمانسازان ب سه‌ره‌دانێن مه‌یدانی دێ قه‌ستا كۆگه‌هـ و ده‌رمانخانه‌ان كه‌ن و هه‌رده‌ما جۆره‌ ده‌رمانه‌كێ قه‌چاغ بهێته‌ دیتن ئێكسه‌ر دێ ده‌ست ب سه‌رداگرن و دێ پێرابوونێن یاسایی ده‌رحه‌ق هێنه‌ وه‌رگرتن".



created by Avesta Group and powered by Microsoft Azure

بەپەلە