ڤیدیۆ: رووبارێك لەجیاتی ئاو پاشماوە و خاشاكی پێدا دەڕوات

هەواڵ / جیهان :: 17/09/2018‌ :: 874‌ جار بینراوە

تاگ :: جیهان

دواڕۆژ
رووباری (غەدیر) كە بە بەشی باشوری شاری بەیروتی پایتەختی لوبناندا تێدەپەڕێت، ئەوەندە خاشاك و پاشماوەی فڕێدراوی تێكراوە كە لە هەندێك شوێندا بەتەواوی و تا قووڵاییەكی زۆر ئاوەكەی داپۆشیوە و ئەوەی دەبینرێت و دەڕوات كەلوپەل و شمەكی لەكاركەوتووی فڕێدراوە نەك ئاوی رووبارەكە.


رووبارەكە لە گردۆڵكەكانی شارۆچكەی شوەیفات-ەوە، بەناو بەیروتی پایتەختدا دەڕوات و دەڕژێتە دەریای سپیی ناوەڕاستەوە، ئەم (بارە قورس و ناقۆڵایەی سەر پشتیشی) لەگەڵ خۆیدا دەبات، ئیتر ئەوەی جێبمێنێت دەكەوێتە كەنارەكانی رووبارەكەوە و چاوەڕێی بارانی بە لێزمەی بەهار دەكات بۆ ئەوەی لەگەڵ لافاوی خۆیدا رایماڵێت و بیخاتەوە بەر خوڕیی رووبارەكە، هەرچی ئەو خاشاك و كەرەستانەیشە كە لەبەر خوڕیی رووبارەكەدان، ئەوا (وەك لە ڤیدیۆكەدا دیارە) گەشتێك بە ناو بەیروت-دا دەكەن و دەڕژێنە دەریای سپیی ناوەڕاستەوە.

 

ئامادەكردن: لوقمان محەمەد رەشید









  • ڕۆژ
  • هەفتە
  • مانگ
created by Avesta Group and powered by Microsoft Azure