بنگه‌هه‌كێ ساخله‌مییا ده‌روونى بۆ ئاواره‌یێن دهۆك هاته‌ ڤه‌كرن

هەواڵ / کوردستان :: 17/09/2018‌ :: 196‌ جار بینراوە

دواڕۆژ، بورهان یه‌حیا
ب ئارمانجا پتر گەھاندنا ھاریکاریان و ب تایبەت بۆ رزگاربوویێن دەستێ داعش، بنگەھێ ھاوار یێ پشتەڤانیا ئافرەتان بۆ ئاواره‌یێن ل دهۆك ئاكنجى ھاته‌ ڤەکرن.

سالم سه‌عید به‌رپرسێ راگه‌هاندنا بۆردێ كاروبارێن مرۆڤایه‌تى ل دهۆك بۆ دواڕۆژ رۆهنكر" ب مه‌ره‌ما چاره‌سه‌ركرنا كێشه‌یێن ده‌روونى یێن رزگاربوویێن ده‌ستێ داعش بنگەھێ ھاوار یێ پشتەڤانیا دەروونی و فێربوونێ ب ھەڤکاری دگەل بۆردێ کاروبارێن مرۆڤایەتی BRHA ل کەمپا قادیان ل دهۆك ھاته‌ ڤەکرن و دێ 840 ژن مفاى ژێ وه‌رگرن".

خویاكر" بنگەھێ هاوار دێ فێربوونێ و ھاریکاریێن دەروونی پێشگێشی ئافرەتان کەت و ب تایبەت رزگاربوویێن دەستێ داعش، نیزیکی ٨٤٠ ئافرەتان دێ ژ بنگەھێ وان مفاداربن و پشتەڤانییەکا راستەوخۆ یا حکومەتا ئەلمانی ل بنگەھی دھێتە کرن".

ئاماژه‌كر" پترییا ژن و كچێن ژ ده‌ست چه‌كدارێن داعش دهێنه‌ رزگاركرن تووشى كێشه‌ و نه‌خۆشیێن ده‌روونى بووینه‌ و پێدڤى ب چاره‌سه‌ریێ نه‌ و ڤه‌كرنا ڤى بنگه‌هى ژى هه‌ر بۆ ڤێ مه‌ره‌مێ یه‌ داكو ب شێوازه‌كێ باشتر و زانستیتر سه‌ره‌ده‌رى دگه‌ل وان بهێته‌كرن".



  • ڕۆژ
  • هەفتە
  • مانگ
created by Avesta Group and powered by Microsoft Azure