ئەمبۆلانس بۆ کەمپێن ئاوارە و پەنابەران دھێنە بەرھەڤکرن

هەواڵ / کوردستان :: 17/09/2018‌ :: 218‌ جار بینراوە

دواڕۆژ، رەڤەند گوھەرزی 
رێڤەبەرێ گشتی یێ ساخلەمیا پارێزگەھا دھۆکێ راگەھاند، پرۆژی پشتەڤانیا ھەیڤا سور و خاچا سور یا نەرویجی بۆ کەمپێن پەنابەران ل پارێزگەھا دھۆکێ دی یێ بەردەوام بیت و ١٥ ئەمبولانس ل کەمپێن ئاوارە و پەنابەرانن خزمەتێ پێشکێش دکەن.

د. نزار عسمەت، رێڤەبەرێ گشتی یێ ساخلەمیا پارێزگەھا دھۆکێ راگەھاند: بەرنامە ھەیە سووتنگەھەکێ بۆ چارەسەرکرنا پاشمایێن ساخلەمیێ ژی دروست بکەن بەری پاشمایێن ساخلەمیێ بھێنە ھاڤێتن دێ ل وێ سووتنگەھێ ھێنە چارەسەرکرن.

گۆت ژی: رێڤەبەریا گشتی یا ساخلەمیا دھۆکێ پێدڤی ڤان جۆرە پشتەڤانیایە ژ بەر کو مە ئەو شیان نینن ھەموو بنگەھێن ساخلەمیێ ل ھەموو کەمپان بھێنە برێڤەبرن ھەکە پشتەڤانیا نێڤدەولەتی و رێکخراوان نەبیت ژ بەر ھندێ ئەم داخوازا بەردەوامیا پشتەڤانیێ دکەین ژ ھەموو رێکخراوان بۆ برێڤەبرن و ئینانا دەرمان و پێدڤیێن نوشداری بۆ ساخلەمیێ.

ژلایەکێ دیڤە ھەیسەم عەبدی، بەرپرسێ سەنتەرێ ھاوارھاتنا ب لەز ١٢٢ ل پارێزگەھا دھۆکێ گوت:" ھەیڤا سۆر یا عیراقی ب ھەماھەنگیی د گەل خاچا سور یا نەرویجی رابووینە ب ئینانا ھژمارەکا ئامیرێن نوشداری یێن ترۆمبێلێن ھاوارھاتنی بۆ پارێزگەھا دھۆکێ د گەل کەلوپەلێن نوشداری یێن د ناڤ ئەمبولانساندا.

دازانین ژی، بۆ سێ ترۆمبێلان کەرەستێن ساخلەمیێ و ئامیرێن نوشداری ھاتینە دابینکرن ئەڤ ھەرسێ ترۆمبێلە بۆ کەمپێن پەنابەرانە و چەندین گەرەستێن یەدەک ژی ئیناینە بۆ ترۆمبێلێن ھاوارھاتنێ دێ مفایەکێ باش گەھینیتە کەمپان.

ھەیسەم ئاشکەرا کر، ل سەرانسەری پارێزگەھا دھۆکێ ١٨٨ ترۆمبێلێن ئەمبولانس ھەنە و سەنتەرێ ھاوار ھاتنا ب لەز ٥٥ ترۆمبێل ھەنە و ١٥ ئەمبولانس ل کەمپێن ئاوارە و پەنابەرانن خزمەتێ پێشکێش دکەن.



  • ڕۆژ
  • هەفتە
  • مانگ
created by Avesta Group and powered by Microsoft Azure