کەشناسی هەرێم: پێشبینی بارانی زۆر و لافاو ئەگەرێکی بەهێزە

هەواڵ / کوردستان :: 17/09/2018‌ :: 63869‌ جار بینراوە

دواڕۆژ

کەشناسی هەرێم رایدەگەیەنێت، پلەکانی گەرما لەسەر رووی دەریای ناوەڕاست (2-3)پلە بەرزبوونەوەیان بەخۆیانەوە بینیوە، کە ئەمەش ئەگەری بارانبارین و لافاو بەهێزتر دەکات لە ناوچەکەدا.

بەڕێوبەرایەتی کەشناسی و بومەلەرزەزانی هەرێم ئەمڕۆ دووشەممە17ی ئەیلول، بڵاویکردۆتەوە: بەرزبوونەوەى پلەى گەرماى رووى دەریاى ناوەڕاست 2 تا 3 پلە لە کاتى ئێستادا لە ماوەى ساڵانى (1982تا 2012) ئەم بەرزبوونەوەیەى لە پلەکانى گەرماى تۆمار نەکردووە.

رونیشیکردۆتەوە: بەرزبوونەوەى پلەکانى گەرماى دەریاى ناوەڕاست دەبێتە هۆى ناجێگیرى لە کەشوهەواى دەریاى ناوەڕاست و پاشان درێژبوونەوەى بۆ سەر ناوچەکانى تر.

لەگەڵ بەرزبوونەوەى پلەکانى گەرماى بەهەڵم بوون زیاد دەبێت و دروست بوونى تۆپەڵە هەواو زیاد بوونى باران بارین و دروست بوونى لافاو و هەورەبروسکەی زۆر.

کەشناسی هەرێم ئەوەشی ئاشکراکردووە: سیستەمى کەشوهەواى دەریاى ناوەڕاست کاریگەرى راستەوخۆى لەسەر کەشى هەرێم و ناوچەکە هەیە، لەگەڵ زیاد بوونى نزمەپاڵەپەستۆى دەریاى ناوەڕاست باران بارینیش بۆ سەر ئەو ناوچانەى دەکەونە ژێر کاریگەرى درێژبوونەوەى ڕێڕەوى زیاتر دەبێت.

پێشبینى زیاد بوونى باران بارین و لافاو ئەگەرێکى بەهێزترە بە تایبەتى لەگەڵ دروست بوونى دیاردەى (نینۆ) کە لە ئێستادا لە ساتى سەرەتاکانى دروست بوونیەتى.



  • ڕۆژ
  • هەفتە
  • مانگ
created by Avesta Group and powered by Microsoft Azure