بەهۆی دەستکاریکردنی چەکەوە دوو منداڵ بوونە قوربانی

هەواڵ / کوردستانی :: 17/09/2018‌ :: 3614‌ جار بینراوە

دواڕۆژ، بەختیار شەریف
درەنگانی شەوی رابردوو 16ی ئەیلولی 2018 لەسنوری قەزای چەمچەماڵ بەهۆی دەستکاریکردنی دەمانچەوە منداڵێکی 5 ساڵان گیانی لەدەستدا و منداڵێکی دیکەش بەسەختی برینداربوو.


ئەیوب حمەغەریب، جێگری بەڕێوەبەری تەندروستی چەمچەماڵ بەدواڕۆژی راگەیاند" درەنگانی شەو دوو منداڵیان هێنایە بەشی فریاکەوتنی نەخۆشخانەی شەهید پێشڕەو بەوتەی کەسوکاریان بەهۆی دەستکاریکردنی دەمانچەوە بەفیشەک پێکرابوون".

وتیشی: "یەکێک لەمنداڵەکان بەناوی (س.ر.ج) تەمەن 5 ساڵ گیانی لەدەستدابوو، تەرمەکەی رەوانەی پزیشکی دادوەری سلێمانی کرا، قوربانیەکەی دیکەش بەناوی (م.ع.ل) تەمەن ۷ ساڵ بەسەختی برینداربوو".

بەپێی زانیارییەکانی دواڕۆژ ئەو رووداوە لەباخێکی بانی مەقان لەسنوری چەمچەماڵ روویداوە و کەسە مردووەکە میوان بووە.



  • ڕۆژ
  • هەفتە
  • مانگ
created by Avesta Group and powered by Microsoft Azure