ناكۆكى ده‌كه‌وێته‌ نێوان وه‌زیرى ئێستا و پێشووى ئه‌مریكا

هەواڵ / جیهان :: 17/09/2018‌ :: 316‌ جار بینراوە

تاگ :: جیهان

دواڕۆژ، ئازوو محه‌مه‌د
وه‌زیرى ده‌ره‌وه‌ى ئه‌مریكا رایده‌گه‌یه‌نێت: دیدار و گفتوگۆكانى جۆن كیرى، وه‌زیرى ده‌ره‌وه‌ى ئه‌مریكا له‌گه‌ڵ وه‌زیرى ده‌ره‌وه‌ى ئێران بابه‌تێكى چاوه‌ڕوان نه‌كراوه‌، ده‌شڵێت: "پێچه‌وانه‌ى سیاسه‌ته‌كانى وه‌زاره‌تى ده‌ره‌وه‌ى ئه‌مریكا-یه‌".

هه‌فته‌ى پێشوو جۆن كیرى، وه‌زیرى پێشووى ده‌ره‌وه‌ى ئه‌مریكا و محه‌مه‌د جه‌واد زه‌ریف، وه‌زیرى ده‌ره‌وه‌ى ئێران چاویان به‌ یه‌كترى كه‌وت و دیدار و كۆبوونه‌وه‌یان ئه‌نجامدا، ئه‌مه‌ش هه‌ڵوێستى توندى ئیداره‌كه‌ى دۆناڵد تره‌مپ، سه‌رۆكى ئێستاى ئه‌مریكا لێكه‌وته‌وه‌.

به‌پێى راپۆرتێكى ئاژانسى هه‌واڵى بى بى سى كه‌ له‌سه‌ر زارى مایك پۆمپیۆ، وه‌زیرى ده‌ره‌وه‌ى ئەمریکاوه‌ بڵاوكراوه‌ته‌وه‌: ئه‌و وه‌زیرە هه‌ڵوێستى وڵاته‌كه‌ى له‌باره‌ى ئه‌و چاوپێكه‌وتنه‌ى هه‌ردوو وه‌زیره‌كه‌ بڵاوكردووه‌ته‌وه‌ و رایگه‌یاندوه‌ : "دیدار و گفتوگۆكانى كیرى بابه‌تێكى چاوه‌ڕواننه‌كراو بوو و به‌پێچه‌وانه‌ى ته‌واوى سیاسه‌ته‌كانى وه‌زاره‌تى ده‌ره‌وه‌ى ئه‌مریكایه‌".

له‌ به‌رامبه‌ریشدا وه‌زیرى پێشوى ده‌ره‌وه‌ى ئه‌مریكا رایگه‌یاندووه‌: "ئه‌و هێرشانه‌ى مایك پۆمپیۆ ده‌یانكاته‌ سه‌رى، یارى سیاسین، ئه‌و ته‌واوى ورده‌كارى دیداره‌كه‌ى له‌گه‌ڵ وه‌زیرى ده‌ره‌وه‌ى ئێران له‌ڕێگه‌ى په‌یوه‌ندى ته‌له‌فۆنییه‌وه‌ به‌ پۆمپیۆ گه‌یاندووه‌، هیچ شتێكى نهێنى له‌ ئارادا نیه‌".



created by Avesta Group and powered by Microsoft Azure