خەڵاتی نۆبڵ بۆ گەمژەیی درایە 10 لێكۆڵەر

هەواڵ / جیهان :: 16/09/2018‌ :: 770‌ جار بینراوە

تاگ :: جیهان

دواڕۆژ
دوای ئەوەی دەركەوت توێژینەوەكانیان هیچ نین و سوودی گشتییان نییە، زانكۆی هارفاردی ئەمریكی "خەڵاتی نۆبڵی بۆ گەمژەیی" دایە 10 براوە كە لەچەند بوارێكدان.

 

یەكێك لەخەڵاتەكان بە خانمێك درا كە مامۆستای زانكۆی ویلفرید لۆریێیە لە کەنەدا و ناوی (لیندی لیانگ)ە دوای ئەوەی لەلێكۆڵێنەوەیەكیدا دەریخست، ئەو فەرمانبەرانەی رقی خۆیان لەبەڕێوەبەرەكانیان بە دەرزی ئاژنینی بوكەڵەكان بەتاڵ دەكەنەوە سەركەوتوو ترن لە هاوتاكانیان كە ئەو كارە ناكەن.

 

لەبواری پزیشكیدا دوو ئەمریكی خەڵاتی گەمژەییان وەرگرت كە مارك میچێل و دیڤد وارتینگەرن و رایانگەیاند: سواربوونی یاری (سكەتولمەوت) بەردی گورچیلە فڕێدەدات.

 

لەبواری كیمیاشدا ژنێكی پورتوگالی بەبراوەی یەكەمی خەڵاتی نۆبڵ بۆ گەمژەترین كەس دانرا دوای ئەوەی لێكۆڵینەوەیەكی كرد و وتی: "لیكی دەم باشترین چارەسەرە بۆ پاككردنەوەی بنمیچ و سەقفە پیس و خەوشدارەكان".

 

لەبواری ئەدەبیشدا خەڵاتەكە درایە تیمێكی ئوسترالی كە توێژینەوەیەكیان كرد و رایانگەیاند "زۆرینەی ئەو كەسانەی بەرهەمە ئاڵۆزەكان بەكاردێنن، رەچەت و دەلیلی بەكارهێنانی ئەو كەرەسەتانە ناخوێننەوە و پشتگوێی دەخەن.



created by Avesta Group and powered by Microsoft Azure