نەبوونی هۆتێل گەورەترین گرفتی کەرتی گەشتوگوزارە لە دەڤەری راپەڕین

هەواڵ / کوردستان :: 16/09/2018‌ :: 418‌ جار بینراوە

دواڕۆژ، محەمەد مستەفا
هەرچەنده دەڤەری راپەڕین دەوڵەمەندە بەبوونی چەندین شوێنی گەشتیاری سەرنجڕاکێش، بەڵام بەهۆی نەبوونی هۆتێلی گەشتیاری گونجاو، گەشتیاران رووناکەنە ناوچە گەشتیارەکانی سنورەکە، بەڕێوبەری گەشتوگوزاری راپەڕنیش داواکارە کە وەبەرهێن و سەرمایەداران هۆتێلی شایستە لە دەڤەرەکە دروستبکەن.


ئارام پیرۆت، بەڕێوەبەری گەشتوگوزاری راپەڕین بەدواڕۆژی راگەیاند: ئاشکرایە ئەمساڵ هاتنی رێژەی گەشتیاران بۆ ناوچە گەشتیاریەکانی هەرێمی کوردستان بەڕێژەیەکی بەرچاو رووی لەزیادبوونکردووە. هەرچەندە دەڤەری ڕاپەڕینیش خاوەن چەندین ناوچەی گەشتیاری سەرنجڕاکێشه بەڵام دەتوانین بڵێین کەمترین گەشتیار روویکردۆتە دەڤەرەکە.

وتیشی: "هۆکاری سەرەکی نەهاتنی گەشتیار بۆ شوێنە گەشتیاریەکانی راپەڕین نەبوونی هۆتێلە، تائێستاش دەڤەری راپەڕین خاوەن هۆتێلێکی شایستە و گەشتیاری نییە بۆ مانەوەی گەشتیاران.

ئاماژەی بەوەشدا: ئەوان وەک گەشتوگوزاری راپەڕین داواکارن لەسەرجەم وەبەرهێن و سەرمایەداران کە بێنە دەڤەرەکە و وەبەرهێنان لەکەرتی گەشتیاری بکەن و هۆتێلی گەشتیاری دروستبکەن. 

ئارام پیرۆت دەشڵێت: "وەکو هەنگاوێک بۆ پێش خستی کەرتی گەشتوگوزار، پڕۆژەی ڕێگای گەشتیاری دەربەندی رانیە دراوەتە وەزارەتی شارەوانی و گەشتوگوزار کە بە جێبەجێکردنی تاڕادەیەکی زۆر کەرتی گەشتوگوزار لە دەڤەرەکە دەبوژێتەوە".

 



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە