زانكۆى سلێمانى ده‌رباره‌ى زیادكردنى ده‌وامى فه‌رمانبه‌ران رونكردنه‌وه‌ ده‌دات

هەواڵ / کوردستان :: 13/09/2018‌ :: 3706‌ جار بینراوە

دواڕۆژ
یاریدەدەری سەرۆکی زانکۆی سلێمانی رایدەگەیەنێت، بەهیچ شێوەیەک دەوامی فەرمانبەران زیادنەکراوە و ده‌شڵێت، لە 10/1شەوە زیادناکرێت.

بەپێی نوسراوێک کە لە تۆڕە کۆمەڵایەتییەکان بڵاوبووەتەوە کۆلێژی زمانی زانکۆی سلێمانی بڕیاریداوە دەوامی فەرمانبەران لە رۆژی 10/1ەوە ببێت بە چوار رۆژ کە لەئێستادا فەرمانبەران سێ رۆژ دەوام دەکەن و گوایه‌ بڕیاره‌كه‌ سه‌رجه‌مى زانكۆكه‌ ده‌گرێت.

تایبەت بەو پرسە د. ئاراس فەریق زەینەڵ، یاریدەدەری سەرۆکی زانکۆی سلێمانی بۆ کاروباری خوێندکاران لە لێدوانێکدا بۆ دواڕۆژ وتی: "هیچ بڕیارێک نییە بۆ زیادکردنی دەوام".

سه‌باره‌ت به‌وه‌ى ئایا له‌ سه‌ره‌تاى مانگى داهاتووه‌وه‌ ده‌وام زیادده‌كات، وتى، "نه‌خێر لە 10/1شەوە زیادناکرێت".

له‌باره‌ى ده‌وامى خوێندكارانیش یاریده‌ده‌ره‌كى سه‌رۆكى زانكۆ ئاماژەی بەوەشکرد لە رۆژی یەکشەممە 23ی ئەیلولی 2018ەوە دەوامی خوێندن لە زانکۆی سلێمانی دەستپێدەکاتەوە.









  • ڕۆژ
  • هەفتە
  • مانگ
created by Avesta Group and powered by Microsoft Azure