به‌وێنه‌... ناوه‌ندی شانۆی تاڤ به‌رهه‌مێكی نوێ پێشكه‌شده‌كات

هەواڵ / که‌لتور :: 12/09/2018‌ :: 639‌ جار بینراوە

دواڕۆژ
ناوەندی شانۆی تاڤ له‌ئێستادا سەرقاڵی پرۆڤەکردنە بۆ كارێكی شانۆیی نوێ کە بڕیارە سەرەتای مانگی ئۆکتۆبەر لە شاری سلێمانی نمایشبكرێت.

محه‌مه‌د مسته‌فا وه‌ك ده‌رهێنه‌ری ئه‌م شانۆییه‌ به دواڕۆژی ڕاگه‌یاند: شانۆییەکە باسی كێشە هەنوکەییەکانی ئەمڕۆی کۆمەڵگەی کوردی دەکات، هەوڵدەدات لەناو چوارچێوەیەکی بەرزی شانۆیی و ستاتیکیدا پەیوەندی لەگەڵ بینەرەکانی دروستبکات.

محەمەد مستەفا دەرهێنەری کارە شانۆییەکە ڕاشیگەیاند: ئەم کارەشمان لەسەر بنەما و ئەو تێڕوانینە دروستکردووە و سەرقاڵی پرۆڤەکردنین بۆی کە لەپێناویدا ناوەندی شانۆی تاڤمان دروستکردووە، کارەکە بەشێوەیەکی گشتی خوێندنەوەیەکی رەخنەییە لە ژیانی کۆمەڵایەتی ئەم سەردەمەمان و گێڕانەوەی تراژیدیای پەرتبوونی کۆمەڵگەکەمانە.


شانۆیی "بەردەرگای جەهەنم" لە نوسینی کاروان سۆفی و دەرهێنانی "محەمەد مستەفا" و له‌ نواندنی "ڕزگار باهیر ـ زەریا سامی ـ ساوان خالید ـ سۆزیار یاسین ـ میران ئازاد - ئالا سلێمان"و فۆتۆ گرافەر- کەژان ئەکرەم-ن.

‎بەرهەمەكە هی ناوەندی شانۆی تاڤ و بەڕێوەبەرێتی گشتی ڕۆشنبیری سلێمانی ـ بەشی شانۆیە و ‎لەسەرەتای مانگی (۱٠) ئه‌م شانۆییه‌ نمایشده‌كرێت.



  • ڕۆژ
  • هەفتە
  • مانگ
created by Avesta Group and powered by Microsoft Azure