فلمێ (تۆرن) 7 خه‌لاتان ل هندێ بده‌ستخۆڤه‌ دئینیت

هەواڵ / که‌لتور :: 11/09/2018‌ :: 161‌ جار بینراوە

دواڕۆژ، بورهان یه‌حیا
فلمێ تۆرن كو ژ ده‌رهێنانا كورده‌كێ خه‌لكێ شنگالێ یه‌ ل فه‌ستیڤاله‌كا نێڤده‌وله‌تى ل وه‌لاتێ هندێ 7 خه‌لاتان بده‌ستخۆڤه‌ دئینیت.

نه‌وزاد شێخانى، ده‌رهێنه‌رێ كورد یێ فیلمێ تۆرن د راگه‌هاندنه‌كێ دا خویاكر: پێشتر ل چه‌ندین فه‌ستیڤالێن جیهانى فلمێ تۆرن خه‌لات وه‌رگرتبوون و نوكه‌ ل فه‌ستیڤاله‌كا نێڤده‌وله‌تى ل هندێ 7 خه‌لات بده‌ستخۆڤه‌ ئیناینه‌ ئه‌وژى (باشترین ده‌رهێنه‌ر، باشترین فلم ل دۆر ئاینان، باشترین فلمێ چیرۆكى یێ درێژ، باشترین مۆنتاژ، باشترین مۆزیكا فه‌رمى یێ فلمى، باشترین تریله‌ر، باشترین به‌رهه‌مئینان).
خویاكر: دوو زارڤه‌كه‌رێن سه‌ره‌كى یێن فلمى ئیمیدا ئارابولى و كریستینا جیجینادزى نه‌ و ده‌رهێنان نه‌وزاد شێخانى و به‌رهه‌مئینان كیتیفان جانیلیدزى یه‌.

دیاركر: ناڤه‌رۆكا فلمى به‌حس ل 4 جیلێن مرۆڤان دكه‌ت كو دناڤا ئێزدییان تووشى 74 هێرشێن كۆمكۆژیێ بووینه‌ و به‌حس ل ژیان و مرنێ و ڤێككه‌فتنا ئاینان و هه‌ڤڕكییا ب مه‌ره‌ما مانێ ل ژیانێ دكه‌ت.
ئاماژه‌كر: ڤى فلمى هه‌تا نوكه‌ شیایه‌ 17 خه‌لاتان ل ده‌ستپێكا به‌شدارییا خۆ لناڤا فه‌ستیڤالێن جیهانى دا بده‌ستخۆڤه‌ بینیت و هه‌موو سه‌ركه‌ڤتنێن وى پالپشتى بوویه‌ ژ مرۆڤایه‌تیێ و گه‌لێن زولملێكرى.



  • ڕۆژ
  • هەفتە
  • مانگ
created by Avesta Group and powered by Microsoft Azure