ئێزدیێن ژ عه‌فرین هاتینه‌ دهۆك دترسن خوه‌ ئاشكه‌راكه‌ن

هەواڵ / کوردستان :: 07/09/2018‌ :: 253‌ جار بینراوە

تاگ :: عێراق

دواڕۆژ، دهۆك
ژماره‌كا كۆچبه‌رێن عه‌فرین یێن ئه‌ڤ ساله‌ ژ به‌ر هێرشێن له‌شكه‌رێن  تركیا و گرۆپێن چه‌كدار هاتبوون دهۆك نه‌وێرن خوه‌ ژ به‌ر گرۆپێن چه‌كدار یێن ل عه‌فرین ئاشكه‌را بكه‌ن.


عیدان شێخ كالۆ، رێڤه‌به‌رێ كاروبارێن ئێزدییان ل دهۆك بۆ دواڕۆژ گۆت :"چه‌ند خێزانێن ئێزدییان ژ گوندێن عه‌فرین كۆچبه‌رى دهۆك بووینه،‌ لێ ژ به‌ر پاراستنا كه‌سوكارێن خوه‌ یێن نوكه‌ ل عه‌فرین نه‌وێرن خوه‌ ئاشكه‌را بكه‌ن، چنكو دێ كه‌سوكارێن وان كه‌ڤنه‌ ژێر هه‌ره‌شه‌یێن گرۆپێن چه‌كدار".

عیدان شێخ كالۆ، خوه‌یاكر :"ئه‌و خێزانێن ئێزدییان نوكه‌ ل سه‌نته‌رێ دهۆكن و د ره‌وشه‌كا خراب دا دژین و پێدڤییا وان ب هاریكاریا رێكخراو و كه‌سێن خێرخواز هه‌یه‌، لێ تا نوكه‌ چو ئالییان هاریكاریا وان نه‌كریه‌".

رۆژا 18 ئادارا ئه‌ڤ ساله،‌ باژارێ عه‌فرین كه‌ڤته‌ ژێر كۆنترۆلا له‌شكه‌رێ تركیا و گرۆپێن چه‌كدار یێن سه‌ر ب تركیا و ژ وى ده‌مى گرۆپێن چه‌كدار یاسایێن خوه‌ یێن شه‌رعى لسه‌ر ئێزدییان ژى جێبه‌جێ دكه‌ن.

 



created by Avesta Group and powered by Microsoft Azure