بو ئێکەم جار ئێزدیەک دبیتە سەرۆکێ جڤاتا نەینەوا

هەواڵ / کوردستان :: 07/09/2018‌ :: 203‌ جار بینراوە

دواڕۆژ؛ بورهان یەحیا
بۆ ئێکەم جار ئێزدیەکێ شنگال دبیتە سەرۆکێ جڤاتا پارێزگەها نەینەوا پشتی سەرۆکێ وێ دەست ژکارکێشای.

د راگەهاندنەکا سەرۆکاتیا جڤاتا پارێزگەها نەینە وا دا هاتیە" پشتی سەرۆکێ جڤاتێ بەشار کیکی خۆ بۆ پەرلەمانێ ئیراقێ کاندید کر  و شیای ب سەرکەڤیت و نوکە کارێ وی بوویە پەڕلەمانتاری؛ ل جهی وی سەیدۆ چەتۆ کەسایەتیێ ئێزدی دبیتە سەرۆکێ جڤاتا پارێزگەها نەینەوا".

دیارکر" پێشتر سەیدۆ چەتۆ ئەندام و سەرۆکێ لیستا برایەتی و پێکڤەژیانێ ل جڤاتێ بوویە و پشتی بەشار کیکی دەست ژکار کێشای ئێکسەر ل جهی وی دهێتە دانان".

بۆ ئێکەم جارە ل ڤی پارێزگەهی کەسایەتییەکێ ئێزدی پۆستێ سەرۆکێ جڤاتا پارێزگەها نەینەوا وەردگریت و دیسا لسەر ئاستێ هەرم و ئیراقێ ژی ئەڤە ئێکەم جارە.



created by Avesta Group and powered by Microsoft Azure