کۆبونەوەی لوتکە لەنێوان سەرۆکانی روسیا، ئێران و تورکیا بەڕێوەدەچێت

هەواڵ / جیهان :: 07/09/2018‌ :: 375‌ جار بینراوە

دواڕۆژ
ئەمڕۆ 7ی ئەیلولی 2018 سەرۆکانی روسیا، ئێران و تورکیا لە تارانی پایتەختی ئێران بۆ تاووتوێکردنی بارودۆخی سوریا کۆبونەوەی لوتکەیان ئەنجامدا.

کۆبونەوەکە لەنێوان فلادیمێر پوتین، سەرۆکی روسیا، حەسەن رۆحانی، سەرۆک کۆماری ئێران و رەجەب تەیب ئەردۆغان، سەرۆکی تورکیا بەڕێوەدەچێت و باس لە پرسی کۆنترۆڵکردنی ئیدلب و پڕۆسەکانی سوپای سوریایان کرد.

سەرچاوەیەکی سەربازی بە رۆژنامەی (کۆمێرسانت)ی روسی راگەیاندوە: وردەکاری پڕۆسە سەربازییەکەی سوپای سوریا دژی تیرۆرستان لە ئیدلب دەبێت سەرۆکانی روسیا، ئێران و تورکیا ئەمڕۆ لەسەری رازی بن، پاشان دەستپێدەکات.

رۆژنامەکە ئەوەشی ئاشکرا کردوە کە دەبوو پڕۆسە سەربازییەکە بۆ گرتنی ئیدلب مانگی تەمموزی پێشوو ئەنجامبدرایە، بەڵام بەهۆی ناڕەزایی تورکیا دواخرا.



created by Avesta Group and powered by Microsoft Azure