وه‌فدى سوننه‌كان له‌گه‌ڵ چوار لایه‌نه‌كه‌ له‌ كۆبوونه‌وه‌دان

هەواڵ / کوردستان :: 01/09/2018‌ :: 592‌ جار بینراوە

تاگ :: كوردستانى

دواڕۆژ، هۆگر كه‌مال
كه‌مێك له‌مه‌وبه‌ر وه‌فدى هاوپه‌یمانى یه‌كێتى هێزه‌ عێراقییه‌كان كه‌ نوێنه‌رایەتى به‌شێك له‌ سوننه‌كان ده‌كه‌ن له‌گه‌ڵ نوێنه‌رى لایه‌نه‌كانى گۆڕان و كۆمه‌ڵ و یه‌كگرتووى ئیسلامى و هاوپه‌یمانى بۆ دیموكراسى و دادپه‌روه‌رى له‌ سلێمانى ده‌ستیان به‌ كۆبوونه‌وه‌ كرد.


به‌پێى زانیارییه‌كانى دواڕۆژ له‌و كۆبوونه‌وه‌یه‌دا تاوتوێكردنى پرسی پێكهێنانى حكومه‌تى نوێى عێراق و دروستكردنى كوتله‌ى زۆرینه‌یه‌ له‌ په‌رله‌مانى عێراق. 

لاى خۆیه‌وه‌ ئاڵا تاڵه‌بانى، په‌رله‌مانتارى كورد و به‌شداربووى وه‌فدى سوننه‌كان به‌ دواڕۆژى راگه‌یاند، بڕیارى سه‌ركردایه‌تى سیاسى كورد ئه‌وه‌یه‌ كه‌ كورد و سوننه‌ به‌ره‌یه‌كى هاوبه‌ش پێكبهێنن.

وتیشى، به‌شدارى ئه‌و له‌ وه‌فده‌كه‌دا و ئاسانكاریكردنى بۆ دیدار و كۆبونه‌وه‌یان له‌گه‌ڵ لایه‌نه‌ سیاسیه‌كان له‌و چوارچێوه‌یه‌دایه‌ بۆ لێك نزیككردنه‌وه‌ى كورد و سوننه‌ وه‌ك نێوه‌ندكارێك.

هاتنى ئه‌و شانده‌ هاوكاته‌ له‌گه‌ڵ سه‌ردانى هه‌ریه‌ك له‌ ئەیاد عه‌لاوى و سه‌لیم جبورى و ساڵح موتڵه‌گ بۆ شارى هه‌ولێر كه‌ به‌پێى هه‌واڵێكى سایتى سۆمه‌ریه‌ نیوز ئامانج له‌و سه‌ردانه‌ش گه‌یشتنه‌ به‌ رێكه‌وتن له‌ باره‌ى پێكهێنانى حكومه‌تى نوێوه‌.



created by Avesta Group and powered by Microsoft Azure