سلێمانی: ریكلامی کۆمپانیاکان لابران

هەواڵ / کوردستانی :: 01/09/2018‌ :: 846‌ جار بینراوە

تاگ :: سلێمانی

دواڕۆژ، زریان محەمەد
شارەوانی سلێمانی بەمەبەستی نەھێشتنی دیاردەی ریکلامکردنی کۆمپانیاکان بەسەر ستونی شەقامەکانەوە، سەرجەم ئەو ریکلامانەی لێکردەوە کە لەناوەوە و دەرەوەی شار ھەڵواسراون.


رزگار ئەحمەد، لێپرسراوی بەشی خزمەتگوزاری لە شارەوانی سلێمانی بە دواڕۆژی وت "بەھاوکاری بەڕێوەبەرایەتی کارەبای سلێمانی و شارەوانی سەرجەم ئەو ریکلام و بانگەشانە لێکرانەوە کە بە ستونی کارەبای شەقامەکان لەلایەن کۆمپانیاکانەوە ھەڵواسرابون".

وتیشی "پێشتر بەڕێوەبەرایەتی کارەبای سلێمانی کۆمپانیاکانی ئاگادارکردبۆوە کە نابێت بە ستونی ناو شەقامەکان بانگەشە ھەڵبواسرێت، بەڵام دیارە کۆمپانیاکان پابەندی ئەو رێنمایانە نەبوون ھەربۆیە لەئێستادا دەست بەلێکردنەوەیان کراوە".

ئاماژەی بەوەشدا "لەیەکەم ڕۆژی کارکردنمان پێنجشەممە توانیمان زیاتر لە  ٢٧٠ بانگەشەی کۆمپانیاکان بە ١٣ ئۆتۆمبێلی بەرزکەرەوە لەشەقامەکانی سالم و مامۆستایان و دەروازەی سلێمانی تاسڵوجە و سلێمانی عەربەت و سلێمانی تانجەرۆ و بازنەی مەلیک مەحمود لێبکەینەوە، هەر کۆمپانیایەک ئەو کارە دوبارەبکاتەوە سزادەدرێت".



  • ڕۆژ
  • هەفتە
  • مانگ
created by Avesta Group and powered by Microsoft Azure