دهۆك: 200 هزار زارۆ دژى نه‌خۆشییا سۆركا هێنه‌ ڤاكسیندان

هەواڵ / کوردستان :: 31/08/2018‌ :: 310‌ جار بینراوە

دواڕۆژ، بورهان یه‌حیا
رێڤه‌به‌رییا گشتییا ساخله‌مییا پارێزگه‌ها دهۆك راگه‌هاند؛ ب مه‌ره‌ما پاراستنا زارۆیان ژ نه‌خۆشییا سۆركا دێ 200 هزار زارۆ ل سنۆرێ پارێزگه‌هێ هێنه‌ ڤاكسیندان.

حه‌مزه‌ محه‌مه‌دعه‌لى به‌رپرسێ راگه‌هاندنا رێڤه‌به‌رییا گشتییا ساخله‌مییا پارێزگه‌ها دهۆك بۆ دواڕۆژ رۆهنكر" تیمێن گه‌رۆك یێن رێڤه‌به‌رییا كاروبارێن ساخله‌میێ دێ ل گه‌ره‌كان مال بۆ مالێ هاتنوچۆنێ كه‌ن و هه‌ر زارۆیه‌كێ ژیێ وى-وێ ژ نه‌هـ هه‌یڤى هه‌تا پێنج سالیێ هه‌بیت دێ ڤاكسین ده‌ن چ به‌رى نوكه‌ وه‌رگرتبیت یان وه‌رنه‌گرتبیت".

دیاركر" ئه‌ڤ هه‌وه‌ دێ ل رۆژا ئێكشه‌مبێ 2 ئیلۆنێ هێته‌ برێڤه‌برن و پترى 200 هزار زارۆ ل گشت ده‌ڤه‌رداریێن سه‌ر ب پارێزگه‌ها دهۆك هێنه‌ ڤاكسیندان و ل ناڤ 25 كه‌مپێن ئاواره‌یێن سنۆرێ پارێزگه‌هێ تیمێن تایبه‌ت هه‌نه‌ و دێ ب ڤى ئه‌ركى رابن".

خویاكر"ئەڤ ھەوە دێ بۆ ده‌مێ ١٠ رۆژان ڤەکێشیت و ٢٥٥ تیم دبه‌رهه‌ڤن ڤى ئه‌رك بجهـ بینن، پێشتر و بۆ چه‌ندین سالان ئه‌ڤ هه‌وا ڤاكسیندانێ دژى نه‌خۆشییا سۆركا ل پارێزگه‌هێ هاتبوو راوه‌ستاندن لێ نوكه‌ دووباره‌ دێ ده‌ست پێ هێته‌كرن".

ئاماژه‌كر" دووباره‌ ده‌ستپێكرنا وێ بۆ ڤێ چه‌ندێ ڤه‌دگه‌ریت كو نەخۆشیا سۆرکا ل پارێزگەھا نەینەوا و ھەولێرێ دەرکەتیە و چەندین حالەت ل دھوک ژی ھەبووینه‌ و د به‌رژه‌وه‌ندا هه‌موو سه‌میانان دایه‌ زارۆیێن خۆ ڤاكسین بده‌ن".



  • ڕۆژ
  • هەفتە
  • مانگ
created by Avesta Group and powered by Microsoft Azure