چه‌مچه‌ماڵ: تەرمی هاوڵاتییەک بەخنکاوی دۆزرایەوە

هەواڵ / کوردستان :: 24/08/2018‌ :: 752‌ جار بینراوە

دواڕۆژ، بەختیار شەریف
ئەمشەو هەینی 24ی ئاب،  لەقەزای چەمچەماڵ تەرمی هاوڵاتییەک لە بەنداوێکی سنورەکە دۆزرایەوە.


ئەیوب حەمەغەریب، جێگری بەڕێوەبەری تەندروستی چەمچەماڵ بە دواڕۆژی راگەیاند "کەمێک لەمەوبەر تەرمی هاوڵاتییەک بەخنکاوی هێنرایه‌ بەشی فریاکەوتنی نەخۆشخانە شەهید پێشڕەو کە لە بەنداوی (گوندی گورگەی) خنکابوو".

وتیشى "خنکاوەکە ناوی عومه‌ر عه‌زیزە، تەمەنی 56 ساڵە، لەڕووی دەروونییەوە جێگیر نه‌بووه‌".

جێگری تەندروستی چەمچەماڵ ئەوەشی خسته‌ڕوو، ئەو کەسە چەند رۆژێکە دیار نیە، ئەم شەو تەرمەکەی دۆزرایه‌وە کە لە ئاودا خنکاوە، پاش پشكنینيش رەوانەی پزیشکی دادی سلێمانی كرا.



created by Avesta Group and powered by Microsoft Azure