گەنجێك لەكاتی مەلەكردن خنكا و تەرمەكەی نەدۆزراوەتەوە

هەواڵ / کوردستان :: 24/08/2018‌ :: 1154‌ جار بینراوە

دواڕۆژ، ئاكۆ حەمەد رابی 
ئەمڕۆ هەینی 24ی ئابی 2018 قوتابییەكی دانیشتووی شاری هەولێر لە ڕوبارێكی سنوری قەزای مێرگەسۆس خنكاو تا ئێستاش تەرمەكەی نەدۆزراوەتەوە. 

رائید بەیار باڵەكی بەرپرسی ڕاگەیاندنی بەرگری شارستانی سۆران بەدواڕۆژی وت "ئەمڕۆ هەینی لە ڕوباری گوندی شانەدەری قەزای مێرگەسۆر گەنجێك كە پیشەی قوتابی ئامادەیی بوو لە كاتی مەلەكردن خنكا". 

ئاماژەی بەوەشدا، ئەو كەسە خنكاوە ناوی (ا.ر.ب) تەمەنی 17ساڵانە و بەمەبەستی گەشت و سەیران لەگەڵ خانەوادەكەی لە هەولێرەوە هاتونەتە سنوری قەزای مێرگەسۆر. 

بەرپرسی راگەیاندنی بەرگری شارستانی سۆران باسی لەوەشكرد، تا ئێستا تەرمەكەی نەدۆزراوەتەوە و تیمەكانی بەرگری شارستانی و هاوڵاتیانیش سەرقاڵی گەڕان و پشكنینن بەمەبەستی دۆزینەوەی تەرمەكەی. 



  • ڕۆژ
  • هەفتە
  • مانگ
created by Avesta Group and powered by Microsoft Azure