یەکەم کۆنفڕانسی نێودەوڵەتی جینۆسایدی ئێزدییەکان بەڕێوەدەچێت

هەواڵ / کوردستان :: 14/08/2018‌ :: 399‌ جار بینراوە

تاگ :: شەنگال

دواڕۆژ، رەڤەند گوھەرزی
بەڕێوەبەری گشتی کاروباری ئێزدییەکان لە وەزارەتی ئەوقاف رایدەگەیەنێت، سبەینێ یەکەم کۆنفرانسی نێودەوڵەتی جینۆسایدی کوردانی ئێزدی بە بەشداری دەیان پسپۆڕ و شارەزای بواری جینۆساید لە ناوەوە و دەرەوەی کوردستان لە ھەولێر بەڕێوەدەچێت.


خەیری بۆزانی، بەڕێوەبەری گشتی کاروباری ئێزدییەکان لە وەزارەتی ئەوقاف و کاروباری ئایینی ئه‌مڕۆ سێشه‌ممه‌ 14ى ئابى 2018 بە دواڕۆژی راگەیاند، ئامانجی سەرەکی لەو کۆنفرانسە ئەوەیە کە ئێمەی ئێزدی بتوانین ئەم کارەساتە بکەینە جینۆساید و ئەمە نەک کارەساتە و نەک حاڵەتێکە بەڵکو جینۆساید و کۆمەڵکوژییە.

وتیشی "دەمانەوێن بۆ خەڵک دیاربکەین جینۆسایدی ئێزدییەکان لە چوارچێوەی لۆکاڵی بکەینە نێودەوڵەتی و لەبەر ئەوە زۆربەی ئەو کەسانەی بەشدارن لە کۆنفرانسەکە خەڵکی دەرەوەی کوردستان و عێراقن".

خەیری ئاماژە بەوەشکرد، میوانانی کۆنفرانسەکە لە ھەنگاریا، ئەرمەنستان، ھۆڵەندا، ھندستان و بەریتانیا و چەند وڵاتێکی تری ئەوروپی بەشداردەبن.

ده‌رباره‌ى دوایین ئاماری رزگاركراو و زیندانیكراوانى ئێزدی لە دەستی داعش بۆزانی راگەیاند، تائێستا زیاتر لە سێ ھەزار و ٣٢٠ کەس لە کچ و منداڵ و کەسی بەتەمەن لە دەستی داعش رزگارکراون و زیاتر لە سێ ھەزار کەسیش ماون و ھەوڵەکانمان بۆ رزگارکردنیان به‌رده‌وامه‌.



created by Avesta Group and powered by Microsoft Azure