كۆمەڵەی کێڵگە پەلەوەرییەکان رەخنە لە وەزیری بازرگانی ده‌گرێت

هەواڵ / ئابوری :: 14/08/2018‌ :: 427‌ جار بینراوە

تاگ :: ئابوری

دواڕۆژ، زریان محەمەد
جێگری سەرۆکی كۆمەڵەی کێڵگە پەلەوەریەکان رەخنە لەوەزیری بازرگانی ھەرێم دەگرێت و نیگەرانە لەوەی بڕیارێکی وەزیری دارايی جێبەجێ ناکات.


نازم عەبدوڵا، جێگری سەرۆکی کۆمەڵەی کێڵگە پەلەوەریەکانی سلێمانی بە دواڕۆژی راگەیاند "هەرچەندە وەزیری دارايی بڕیاریدا هێنانی عەلەف لە ئێران و تورکیاوە رێگەپێدراوبێت، بەڵام وەزیری بازرگانی و پيشەسازی رێگەمان پێنادان و نازانین هۆکارەکەشی چییە، ئەمەش زیانی زۆری بە کەرتی پەلەوەر گەیاندووە".

وتیشی "تێچووی مریشک لەئێستادا زۆر زیاترە لەوەی کە دەفرۆشرێت، نرخەکە بۆ ئێمە دەری ناھێنێت لەبەر ئەوەی ٧٥٪‏ تێچووی بەرھەمەکە عەلەف دەیبات، پێویستە حکومەتی ھەرێم ھاوکارمانبێت و ئەو تێچووە لەسەر ئێمە کەمبکاتەوە و رێگەبدات عەلەف لەئێران و تورکیاوە بێت چونکە نرخەکەی زۆر ھەرزانتر دەکەوێت".



  • ڕۆژ
  • هەفتە
  • مانگ
created by Avesta Group and powered by Microsoft Azure