شنگالیان 3 كاره‌سات ب بیرئینان

هەواڵ / کوردستان :: 14/08/2018‌ :: 387‌ جار بینراوە

تاگ :: شەنگال

دواڕۆژ، دهۆك
ل سه‌نته‌رێ قه‌زا شنگال به‌رامبه‌ر ئاڤاهیێ ئه‌نجۆمه‌نا خوه‌سه‌ریا دیموكرات یا شنگال، كه‌سوكارێن قوربانیان 11 سالیا ته‌قینێن گرعوزێر و سیبا شێخ خدر ب بیرئینان و ل گۆندێ كۆچۆژى ئێزدییان مه‌راسیم بۆ كۆمكۆژیا گوندێ خوه سازكرن‌.

رۆژا 14-ێ ته‌باخا 2007-ێ، د چه‌ند ته‌قیناندا ل گرعۆزێر و سیبا شێخ خدر كو رێكخستنا ئه‌لقاعیده‌ ئه‌نجامدابوون، نێزیكى 800 كه‌سان هاتنه‌ كوشتن و برینداركرن و ده‌ربه‌ده‌ركرن، پشتى 6 سالان گوندێ كۆچۆ ل رۆژا 15-ێ ته‌باخێ كه‌ڤته ‌به‌ر هێرشا داعش و نێزیكى 300 كه‌سان ل وى گوندی هاتن شه‌هیدكرن.

مه‌راسیمێن بیرئینانا ڤان كاره‌ساتان ژ ئالیێ ئه‌نجۆمه‌نا خوه‌سه‌ریا دیموكرات یا شنگال هاتبوون رێكخستن كو نیڤرۆژ خێر هاته‌ به‌لاڤكرن، پاشى كه‌سوكارێن قوربانیان چه‌ند په‌یڤه‌ك لسه‌ر وێ كاره‌ساتێ خواندن و پێشانگه‌هه‌كا وێنه‌یێن قوربانیان ڤه‌كرن.

دانێ ئێڤاریژى كه‌سوكارێن قوربانیێن گوندێ كۆچۆ ب ئاماده‌بوونا ئه‌نجۆمه‌نێ خوه‌سه‌ریا دیموكرات یا شنگال كاره‌ساتا وى گوندى بیرئینان كو گه‌له‌ك ژ كه‌سوكارێن قوربانیێن كۆچۆ ژ ده‌رڤه‌ى وه‌لاتى و كوردستانێ ئاماده‌بوون.

حه‌سۆ شنگالى، ئه‌ندامێ ئه‌نجۆمه‌نا خوه‌سه‌ریا دیموكرات یا شنگال بۆ دواڕۆژ گۆت"د بیرئینانا ڤان كاره‌ستاندا كه‌سوكارێن قوربانییان داخوازكر كه‌سێن گونه‌هبار ل دادگه‌هه‌كا نێڤده‌وله‌تى بهێنه‌ دادگه‌هكرن و بگه‌هنه‌ سزایێن خوه‌".

سبه‌ رۆژا 15-ێ ته‌باخێ 4 سال دێ لسه‌ر كاره‌ساتا گوندێ كۆچۆ ده‌ربازبن كو دهه‌مان رۆژدا دێ كۆنفرانسه‌ك ل هه‌ولێر بۆ پشتگیریا جینۆسایدناساندنا كۆمكۆژیێن ئێزدییان ل هه‌ولێر هێته‌ سازكرن.



created by Avesta Group and powered by Microsoft Azure

بەپەلە