دهۆك: بۆ جه‌ژنێ پێشبینییا هاتنا 70 هزار گه‌شتیاران دهێته‌كرن

هەواڵ / کوردستانی :: 14/08/2018‌ :: 162‌ جار بینراوە

دواڕۆژ، بورهان یه‌حیا
رێڤه‌به‌رییا گه‌شتوگوزارا پارێزگه‌ها دهۆك راگه‌هاند؛ پێشبینى دكه‌ن بۆ رۆژانێن جه‌ژنێ نێزیكى 70 هزار گه‌شتیار قه‌ستا پارێزگه‌هێ بكه‌ن.

شه‌مال جه‌عفه‌ر به‌رپرسێ پلاندانانێ ل رێڤه‌به‌رییا گشتییا گه‌شتوگوزارێ بۆ دواڕۆژ رۆهنكر"  پلان وه‌سایه‌ كو بۆ وه‌رگرتنا ئامارێ هه‌ر ژ رۆژا 18هه‌تا28/8/2018ێ بهێته‌ هه‌ژمارتن كو دبنه‌ 11 رۆژ و ب گۆره‌ى پێشبینییا دێ نێزیكى 70 هزار گه‌شتیار قه‌ستا پارێزگه‌هێ كه‌ن كو پترییا وان گرۆپن و ب گۆره‌ى به‌رنامه‌یێ وان دێ بۆ هه‌موو ده‌ڤه‌رداریێن سه‌ر ب پارێزگه‌هێ چن".

دیاركر" پترییا گشه‌تیاران كو دبنه‌ 80% یێن ناڤه‌راست و ژۆرییا ئیراقێنه‌ و 20% تورك و ئیرانى و یێن دى لێ چونكو نوكه‌ بهایێ لیره‌یێ توركى به‌رامبه‌ر دۆلارى هاتییه‌ خوارێ پێشبینى دهێته‌كرن رێژه‌یا هاتنا گه‌شتیارێن تورك بۆ دهۆك كێم ببیت".

خویاكر" ب گۆره‌ى داتایێن پێشتر هه‌ر گه‌شتیاره‌ك بۆ نڤستن و خوارن و پێدڤیێن دى رۆژانه‌ دێ 100 دۆلاران مه‌زێخیت و ب ڤى ره‌نگى ئابوورێ ده‌ڤه‌رێ دێ پێشڤه‌چۆنه‌كێ بخۆڤه‌ بینیت و وه‌لاتیێن ئاكنجیێن دهۆك دێ مفادار بن".

راگه‌هاند" تیمێن تایبه‌تێن گه‌شتوگوزارێ دووڤچۆنا پاقژیێ ل پترییا جهێن گوزارى دێ كه‌ن لێ جارێ دووڤچۆنا بهاى ناهێته‌كرن".



created by Avesta Group and powered by Microsoft Azure

بەپەلە