ره‌ققه‌: ئه‌نجۆمه‌نێ سوریا دیموكرات 94 جه‌نازه‌ راده‌ستى رژێمێ كرینه‌

هەواڵ / جیهان :: 13/08/2018‌ :: 241‌ جار بینراوە

تاگ :: جیهان

دواڕۆژ، نه‌زیر عه‌لى 
ئه‌ندامه‌كێ ئه‌نجۆمه‌نێ سوریا دیموكرات راگه‌هاند، هه‌فتییا ده‌ر‌بازبووى وان 94 جه‌نازه‌یێن له‌شكه‌رێن سوریا راده‌ستى رژێمێ كرن.

جیهاد عومه‌ر، ئه‌ندامێ ئه‌نجۆمه‌نێ سوریا دیموكرات ل باژارێ ره‌ققه‌ بۆ دواڕۆژ گۆت "ئه‌و جه‌نا‌زه‌یێن وان راده‌ستى رژێما سوریا كرین ‌ل هه‌فتییا ده‌ربازبووى دگۆره‌كێ ب كۆمدا ل (عه‌ین عیسا) هاتبوون دیتن".

ناڤبۆرى خوه‌یاكر "ئه‌و له‌شكه‌رێن سوریا ل سالا 2014-ێ ژ ئالیێ داعش هاتبوون كۆشتن و دگۆره‌كێ ب كۆمدا ڤه‌شارتبوون، هه‌فتییا ده‌ربازبووى ژ ئالیێ خه‌لكێ (عه‌ین عیسا) ئه‌و گۆر هات ئاشكه‌راكرن و ب چاڤدێریا ئه‌نجۆمه‌نێ سوریا دیموكرات هات هه‌لدان و جه‌نازه‌ راده‌ستى رژێمێ كرن".

وى ئه‌ندامێ ئه‌نجۆمه‌نێ سوریا دیموكرات ئینازمان "گه‌له‌ك گۆرێن دى یێن ب كۆم یێن له‌شكه‌رێن سوریا و سڤیلان ل ره‌ققه‌ هاتینه‌ دیتن كو هه‌موو ژ ئالیێ داعش هاتبوون چێكرن".

لدۆر كۆشتیێن داعش جیهاد عومه‌ر زه‌لالكر "داعش  كوشتیێن خوه‌ دگۆرێن یه‌ك كه‌سیدا ڤه‌شارتبوون، لێ تا نوكه‌ گه‌له‌ك ژ جه‌نازه‌یێن داعش دبن كاڤلان و جهێن به‌رچاڤ مایه‌نه‌ نه‌ڤه‌شارتى".



  • ڕۆژ
  • هەفتە
  • مانگ
created by Avesta Group and powered by Microsoft Azure