کەرکوک: دوو چەکداری داعش کوژران و تەرمی هاوڵاتییەکیش دۆزرایەوە

هەواڵ / کوردستان :: 10/08/2018‌ :: 570‌ جار بینراوە

تاگ :: كه‌ركوك

دواڕۆژ، عیماد جەباری
لە باشوری کەرکوک دوو چەکداری داعش لەبۆسەیەکی هێزە عێراقییەکاندا کوژران، تەرمی گوندنشینێکی رفێندراویش بەکوژراوی دەدۆزنەوە.


سەرچاوەیەک لەپۆلیسی ئیتیحادی رۆژی پێنجشەممە 9ی ئاب، بە دواڕۆژی وت "لەهەڵمەتێکی گەڕان و پشکنینی هێزەکانی پۆلیسی ئیتیحادی و حەشدی عەشایەری لەگوندی سن زوبانی سەر بەناحیەی زاب لەباشوری کەرکوک دوو چەکداری داعش کوژراون".

وتیشی "چەکدارە کوژراوەکان یەکێکیان ناسنامەکەی ناسراوەتەوە کە ناوی ( م.ح) و دانیشتوی گوندی ماحوزی سنورەکە، دوای تەواوبونی هەڵمەتەکەیش تەرمی چەکدارەکان بۆ پزیشکی دادوەری کەرکوک گواستراونەتەوە".

سەرچاوەکەی پۆلیسی ئیتیحادی ئەوەشی خستەڕوو، هەر ئەو رۆژە تەرمی هاوڵاتییەکی دانیشتوی گوندی هۆتەی سەر بەناحیەی رەشاد بەکوژراوی لەناو گوندەکەی خۆیان دۆزراوەتەوە.

ئاماژەی بۆ ئەوەشکرد،  ئەو هاوڵاتییە ناوی ( ع.ع ) و لەچەند رۆژی رابردوودا لەلایەن ژمارەیەک چەکداری داعش-ەوە بەتۆمەتی هاوکاریکردنی هێزە عێراقییەکان رفێندراوە.



created by Avesta Group and powered by Microsoft Azure