گەشتوگوزاری سلێمانی ئامادەکارییەکانی بۆ جەژن راگەیاند

هەواڵ / کوردستان :: 09/08/2018‌ :: 280‌ جار بینراوە

دواڕۆژ، زریان محەمەد
گەشتوگوزاری سلێمانی رایدەگەیەنێت، ئامادەکاری بۆ پێشوازی لە ھاتنی گەشتیاران له‌ رۆژانى جه‌ژن دەستیپێکردووە.

عەلی رەئوف، بەڕێوەبەری گشتی گەشتوگوزارى سلێمانی ئه‌مڕۆ پێنجشه‌ممه‌ 9ى ئابى 2018 بەدواڕۆژی راگەیاند، لەئێستاوە خەریکی چاپکردنی کۆمەڵێک رێبەر و برۆشۆرین وە ئامادەکاری تایبەتمان دەبێت بۆ جەژنی قوربان بۆ پێشوازی لە گەشتیاران.

وتیشی "لەئێستاشدا رۆژانە گروپی گەشتیاری بۆ شاری سلێمانی بەردەوامی ھەیە و میوانخانەکان گەشتیاریان تێدایە، وە لەبازگەکانیش ھاوکاری باشی ھاتنی گەشتیاران دەکرێت و باری ئەمنیش چاودێری تەواودەکرێت و کارئاسانیش دەکرێت کە گەشتیار کەمترین کات لە بازگەکان بمێنێتەوە".

ئاماژەی بۆ ئەوەشکرد، لە جەژنی رەمەزاندا 139 ھەزار و 721 گەشتیار روویان لە سلێمانی کردووە، پێشبینیمان وایە ھاتنی گەشتیاران لەم جەژنەدا زۆر باشدەبێت.

ساڵانە لە کاتی جەژن و بۆنەکاندا گەشتیارانی زۆربەی ناوچەکانی خواروی عێراق روو لە سلێمانى و شاره‌كانى ترى هه‌رێم دەکەن و سەردانی ناوچە گەشتیارییەکان دەکەن.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە