​هواوی نەوەی تازەی وێنەی سێلفی بەرەو پێش دەبات

هەواڵ / زانست :: 07/08/2018‌ :: 762‌ جار بینراوە

تاگ :: زانست

دواڕۆژ
وێنەكانی سێلفی لە وێنەی ئاسایی زیاتر دێنەبەرچاو، وێنەی سێلفی رەنگدانەوەی كاتێكی تایبەتە لە ژیانی مرۆڤدا. لەسەردەمێكدا كە تەكنەلۆژیا كێبڕكێ دەكات بۆئەوەی ژیان ئاسان بكات، لەڕێگای پاشەكەوتی كات و ئەنجامدانی چەندین ئەرك لەجیاتی ئێمە، وێنەی سێلفی وەك ئەزموونێكی جیاواز بەدیاردەكەوێت لەگەڵ واقیعی تەكنەلۆژیای خێرادا. گرتنی وێنەیەكی سێلفی نموونەیی كارێكی زۆری پێویستە! لەدیاریكردنی گۆشەی وێنەگرتن بۆ ئەنجامدانی چاككردنەوەی پێویست و دووبارەكردنەوەی دیمەنەكان و دواتر بەكارهێنانی فلتەرەكان.

لەبەرئەوەی هەریەك لە ئێمە پەرۆشی و ئاستی تایبەتی لە توانا و وزە و جوانی هەیە، وێنەگرتنی وێنەیەكی سێلفی پاڵپشت بە تواناكانی زیرەكیی دەستكرد ئامرازێكی بێهاوتایە لە كاریگەریی پۆزەتیڤانە لەگەڵ جیهاندا.
بەهۆی تێڕوانینە تازەكەی، زنجیرەی مۆبایلی HUAWEI nova3 بەنیازە شێوازی وێنەگرتنی سێلفی بگۆڕێت، لەبەرئەوەی ئەو مۆبایلە كە پاڵپشتە بە تەكنەلۆژیای زیرەكیی دەستكرد دەبڵ كامێرای پێشەوەی هەیە لەگەڵ ئامێری هەستیاری سەرەكی بەكوالیتی 24 میگاپیكسڵ و ئامێری هەستیاری لاوەكی بەكوالیتی 2 میگاپیكسڵ.
ئەو رۆژانە تێپەڕی كە كۆمپانیاكانی دروستكردنی مۆبایل جەختیان لە سەر ژمارەی پیكسڵەكان و فلتەرەكان دەكردەوە بۆ ئیبرازكردنی وێنەی سێلفی، بەكارهێنەران پێویستیان بە مۆبایلێكە كە ئەركەكان لەجیاتی ئەوان جێبەجێ بكات، لێهاتوویی كامێرا تەنها لە سنووری گۆڕینی باگراوند بۆ تەماوی ناوەستێت، بەڵكو بەدیهێنانی هەماهەنگی لەنێوان توخمەكان و دەوروبەری بۆ گوزارشتكردن لە مانای راستەقینەی چیرۆكی وێنەكە. 

بەپێچەوانەی مۆبایلەكانی دیكە كە جەختكردنی كامێرای پێشەوە لاوازە لەسەر رووخساری توخمەكە لەگەڵ فەرامۆشكردنی دەوروبەری باگراوند، كامێرای مۆبایلی هواوی پاڵپشت بە زیرەكیی دەستكرد هەموو وردەكارییەكان لەخۆدەگرێت بە بەكارهێنانی زوومی سەرەكی كە توخمەكان و دەوروبەری بە هەموو وردەكارییەكانی بەجوانترین شێوە دەردەخات.
كامێرای پێشەوە توانای ناسینەوەی 200 سیناریۆی جیاوازی هەیە لە 8 جۆردا، لە ئاسمانی شینەوە بۆ كەنارێكی رۆشەن و رووەكی سەوز و ئێوارانی رازاوە بە ئەستێرەی گەشاوە تا دەگاتە روناكیی شانۆكان لە كاتی نمایشە هونەریەكاندا. لەوەش گرنگتر بیر لەوە بكەوە كە چەند كات دەگەڕێتەوە چونكە پێویست بە چاككردنەوە و بەكارهێنانی فلتەر ناكات ئەوەش ئامانجی مۆبایلەكەی هواویە. مۆبایلەكانی هواوی داتاكانی جوانكاریی پاڵپشت بە زیرەكیی دەستكرد لەخۆدەگرێت كە پێوەرەكانی جوانی لە جیهان پەیڕەودەكات، چەند گۆڕانكارییەك لە رەنگی پێست و وردەكاریی رووخسار بەپێی تەمەن و رەگەز جێبەجێ دەكرێت بۆ دیارخستنی جوانیی رووخسار و شاردنەوەی كەموكوڕییەكان.
نەوەی سێیەمی مۆبایل بە بەكارهێنانی تەكنەلۆژیای(HDR) توانای تۆماركردنی دیمەنەكانی هەیە، لەگەڵ هەڵبژاردەی روناكیی بە كوالیتی ستۆدیۆی وێنەگرتنی پیشەگەرانە، هەروەها ئەو مۆبایلە تازەیە دیاریكردنی پێنج لایەنی توخمی هەیە، ئەوەش مانای ئەوەیە كاركردنی باشترە لەگەڵ هێماكانیQmojis كە تایبەتمەندیی گۆڕینی رووخساری بەكارهێنەر بۆ وێنەیەكی رەمزی دیجیتاڵیی هەیە.

هواوی هەردەم پابەندە بۆ ئەوەی بەكارهێنەران تواناكانی خۆیان لەڕێگای تەكنەلۆژیاوە بەدیاربخەن، ئەوەش لە وەشاندنی هەردوو مۆبایلی HUAWEI nova3 وHUWAEI nova 3i بەدیاردەكەوێت، بەكارهێنەران دەتوانن یادەوەرەكانی خۆیان بەباشترین شێوە تۆماربكەن بە پشتبەستن بە دەبڵ كامێراكانی پێشەوە و دواوە و داتاكانی جوانكاریی پاڵپشت بە زیرەكیی دەستكرد بۆئەوەی وێنە بە تەكنەلۆژیایHDR بەدەستبێنن، ئەگەر ئاستی بەكارهێنەر هەرچۆنێك بێت ئەوە مۆبایلی HUAWEI nova3 خۆی وا پێشكەش دەكات وەك كامێرایەكی پاڵپشت بە زیرەكیی دەستكرد و یارمەتیدەرە بۆ ئامادەكردنی وێنەیەكی سێلفی بەپێی ئارەزووی بەكارهێنەران.
بۆ ئەوانەی كە مۆبایل وەك ئامرازێكی پێویست بۆ گوزارشت لەخۆیان بەكاردەهێنن، ئەوە ئەو كاتە بەسەرچوو كە وێنەی سێلفی بە مۆبایلێكی ئاسایی بگیرێت، بەخێرایی ئەو مۆبایلانە كە تەكنەلۆژیای زیرەكیی دەستكرد لەخۆناگرێت دەبێتە یادگاری، بۆیە خۆتان ئامادەبكەن بۆ گرتنی وێنەی پیشەگەرانە لەگەڵ هاتنی مۆبایلی HUAWEI nova3 كە تێگەیشتنی دەستەواژەی وێنەی سێلفی بە تەكنەلۆژیای زیرەكیی دەستكرد بەرەوپێش دەبات.



  • ڕۆژ
  • هەفتە
  • مانگ
created by Avesta Group and powered by Microsoft Azure