ئێران: روسیا خیانەتمان لێدەكات

هەواڵ / جیهان :: 07/08/2018‌ :: 249‌ جار بینراوە

تاگ :: جیهان

دواڕۆژ، ئارەزوو محەمەد
 بەرپرسانی تاران بۆ یەكەمجار روسیا بە پاڵپشتی لە گەمارۆكانی ئەمریكا دژ بە ئێران تۆمەتبار دەكەن.

 
ئاژانسی ئیسنای ئێرانی لە ڕاپۆرتێكدا بڵاویكردەوە، حسێن كازم پوور ئەردەبیلی نوێنەری ئێران لە رێكخراوی ئۆپێك، وێڕای هۆشداریدان بە مۆسكۆ، رەخنە لە سیاسەتەكانی بواری نەوتی روسیا دەگرێت كە "پاڵپشتی لە گەمارۆكانی ئەمریكا دژ بە ئێرانە و ئەمەش بە خیانەت ئەژمار دەكات".

كازم پوور بە ڕۆژنامەی وۆڵ ستریت-ی ڕاگەیاندووە "روسیا و سعودیە بەرهەمهێنانی نەوتەكەیان بۆ یەك ملیۆن بەرمیل لە ڕۆژێكدا زیادكردووە، بۆ ئەوەی كارگەریی لە سەر هەناردەی نەوتی ئێران دروست بكەن".

ئەردەبیلی هەروەها دەڵێت "مۆسكۆ دەستی هاوكاریی بۆ واشنتۆن درێژكردووە، ئەمەش رەفتارێكی دوژمنانەیە لە بەرامبەر ئێمەدا".

ئەم هەڵوێستەی مۆسكۆ و كاردانەوەیەی تاران لەكاتێكدان كە ئەمریكا بە نیازە لە قۆناغی دووەمی ئابلۆقەی سەر ئێران كە بڕیارە لە مانگی تشرینی دووەمدا بچێتە بواری جێبەجێكردنەوە، هەناردەی نەوتی ئەو وڵاتە بۆ ئاستی سفر دابەزێنێت.



  • ڕۆژ
  • هەفتە
  • مانگ
created by Avesta Group and powered by Microsoft Azure