بۆڵتن: دەبێت ئایەتوڵـڵاكان بێن لە سەر مێزی دانوستان دابنیشن

هەواڵ / جیهان :: 07/08/2018‌ :: 222‌ جار بینراوە

دواڕۆژ، ئازوو محەمەد
ڕاوێژكاری ئاسایشی نەتەوەیی ئەمریكا، وەڵامی وتەكانی شەوی رابردووی حەسەن رۆحانی سەرۆک كۆماری ئێرانی دایەوە كە وتبووی "تاران تەنیا بە مەرجێك دانوستان و دیدار لەگەڵ واشنتۆن دەكات كە قەرەبووی كردەوە تێكدەرەكانی بكاتەوە، ئەو كردەوانەی دەیان ساڵە دژ بە ئێران ئەنجامی دەدات".


لەوبارەیەوە جۆن بۆڵتن راوێژكاری ئاسایشی نەتەوەیی ئەمریكا، بە كەناڵی سی ئێن ئێن-ی ئەمریكی راگەیاند "سزا یەكلایەنەكانی واشنتۆن دژ بە ئێران لەمڕۆ سێشەممەوە وەك یەكەم رۆژی دەستپێكردنی ئەو گەمارۆیانەیە، كاریگەرییەكی زۆری لەسەر ئێران بووەو تەنانەت خۆپیشاندانەكان كە لە دوو رۆژی ڕابردوودا هێواش بووبووەنەوە، دەستیانپێكردووتەوە".

بۆڵتن پاڵپشتی لەو فشارانە دەكات كە بۆ دروستبوونی ئاڵۆزی و خۆپیشاندان دەخرێنە سەر ئێران و دەڵێت "ئەگەر ئێرانییەكان ئامانجیان دانوستان بێت، واز لە بەرنامەی مووشەكی و ئەتۆمی دەهێنن، كەواتە ئەگەر ئەیەتوڵـڵاكان بیانەوێت وڵاتەكەیان لە ژێر فشار  و گەمارۆ نەمێنێت، دەبێت بێن و لە سەر مێزی گفتوگۆ و دانوستان دابنیشن".



created by Avesta Group and powered by Microsoft Azure