پارێزگای هەڵەبجە كەرتی پەروەردە بە ئەلیكترۆنی دەكات

هەواڵ / کوردستان :: 06/08/2018‌ :: 221‌ جار بینراوە

دواڕۆژ، عەلی حەمە سەعید
بەمەبەستی بە ئەلیكترۆنیكردنی كەرتی پەروەردە، بەڕێوەبەرایەتی گشتی پەروەردەی هەڵەبجە لە ڕێگەی داتابەیسێكەوە سەرجەم قوتابخانە و ناوەندەكانی خوێندن بە یەكەوە دەبەستێتەوە.


ئاراس محەمەد، سەرپەرشتیاری یەكەمی بنەڕەتی لە بەڕێوەبەرایەتی گشتی پەروەردەی‌ هەڵەبجە بە دواڕۆژی ڕاگەیاند "بەمەبەستی كارئاسانی بۆ بەڕێوەبەر و كارگێڕانی قوتابخانە و خوێندنگاكان و دەستخستنی زانیاری ورد و تەواو لەسەر ناوەندەكانی خوێندن، بۆ ئەمساڵی خوێندنی 2018- 2019 لەڕێگەی داتابەیسەوە ناوەندەكانی خوێندن بەیەوەكە دەبەستینەوە".

ئاماژەی بەوەشكرد، لەپێناو سەرخستنی ئەم پڕۆگرامە و سودگەیاندن بەناوەندەكانی خوێندن، لەئێستادا لەلایەن كەسانی پسپۆڕ و شارەزاوە بەڕێوەبەر و دەستەی كارگێڕی قوتابخانە و خوێندنگاكانی سنورەكە بەو پڕۆگرامە نوێیە ئاشنادەكرێن و لەگەڵ دەستكردن بەدەوامی ساڵی نوێی خویندن دەخرێتە بواری جێبەجێكردنەوە و سودی لێوەردەگرین.

ئەو سەرپەرشتیارەی بەڕێوەبەرایەتی گشتی پەروەردەی هەڵەبجە ئەوەشی وت "كاركردن بەم پڕۆگرامە ئاسانە و هیچ گرفتێك دروستناكات و ئەركی مامۆستا ئاسان دەكات، نمرە و زانیارییەكانی قوتابیان و خوێندكاران بەئاسانی دەدۆزرێنەوە لەپڕۆگرامەكەدا، هاوكات هاوكارێكی زۆرباش دەبێت لەپێشخستن و بەئەلیكترۆنیكردنی داتا و زانیاریی ناوەندەكانی خوێندن لە سنورەكەدا".



  • ڕۆژ
  • هەفتە
  • مانگ
created by Avesta Group and powered by Microsoft Azure