مۆزه‌خانه‌ی سلێمانی لەمه‌راسیمێكدا رێز لە هێرۆ ئیبراهیم ئەحمەد دەنێت

هەواڵ / کوردستان :: 04/08/2018‌ :: 2004‌ جار بینراوە

تاگ :: سلێمانی

دواڕۆژ
به‌هۆی پشتیوانیكردنی بۆ پاراستنی مێژوو و كەلتور و كەلەپوری كورد و مۆزەخانە، ئێوارەی ئەمڕۆ شه‌ممه‌ مۆزەخانەی سلێمانی رێورەسمێكی رێزلێنانی بۆ خاتوو هێرۆ ئیبراهیم ئەحمەد رێكخست.


لەمەراسیمەكەدا هاشم حەمەعەبدوڵڵا بەڕێوەبەری مۆزەخانەی سلێمانی وتەیەكی پێشكه‌شكرد و سوپاسی (هێرۆ ئیبراهیم ئەحمەد)ی كرد كە به‌رده‌وام هەوڵی هێشتنەوەی مێژوو و كه‌لتوری كورد و كوردستانی داوەو هاوكار و یارمەتیدەری مۆزەخانەكەیان بووەو  ئەركی نۆژەنكردنەوەی مۆزەخانەكەشی گرتووەتەئەستۆ.

هه‌ر لەو مەراسیمەدا كە ژمارەیەكی زۆر لە رۆشنبیران و لێپرسراوانی حزبیی و حكومیی  ئامادەبوون، سه‌ره‌تا د.دڵشاد مستەفا مامۆستای زانكۆ له‌ وتەیەكدا باسی له‌ رۆڵی (هێرۆ ئیبراهیم ئەحمەد) كرد لە پاڵپشتی و پشتیوانییەكانی بۆ پاراستنی مێژوو و كه‌لتور و ئەدەب و هونەر و نۆژەنكردنەوەی ماڵی رۆشنبیر و ئەدیبی كورد ئیبراهیم ئەحمەد.

دواتر پەردە لەسەر دیواربەندێك لادرا كە وێنەی "خانمی به‌خشنده‌ هێرۆ ئیبراهیم ئەحمەد"ی لەسەر هەڵكۆڵرابوو.

هەر لە رێورەسمەكەدا خەڵاتی رێزلێنان بەخشرایە "خاتونی بەخشندە" هێرۆ ئیبراهیم ئەحمەد .



  • ڕۆژ
  • هەفتە
  • مانگ
created by Avesta Group and powered by Microsoft Azure