ئەڵمانیا گورزێکی دارایی لە ئێران دەوەشێنێت

هەواڵ / ئابوری :: 04/08/2018‌ :: 324‌ جار بینراوە

دواڕۆژ
رۆژنامەی (وۆڵ ستریت جێرناڵ)ی ئەمریکی  بڵاوی کردەوە ئەڵمانیا لەم مانگەدا چەند یاسایەکی دارایی نوێ دەخاتە بواری جێبەجێکردنەوە کە دەشێت هەوڵێکی ئێران شکستپێبێنێت لە راکێشانەوەی سەدان ملیۆن دۆلار لە بانکەکانی ئەڵمانیا.

 
رۆژنامەکە لەزاری بەرپرسانی ئەمریکیەوە بڵاوی کردەوە یاساکانی بەگژداچونەوەی سپیکردنەوەی پارە کە بانکی ناوەندی ئەڵمانیا پێشنیاری کردوە لەوانەیە کۆسپ بخاتە بەردەم تاران یان بێبەشی بکات لە بڕی ٣٠٠ ملیۆن یورۆ (نزیکەی ٣٤٧ ملیۆن دۆلار).


رۆژنامەکە ئەو پارانەی بە سەرچاوەی نیگەرانیەکانی پەیوەندیەکانی نێوان واشنتن و بەرلین لەقەڵەمداوە و ئاماژەی بۆ ئەوە کردوە پەسەندکردنی ئەو یاساورێسایانە دوای ئەو گوشارانەدێن کە ئەمریکا کردونیەتە سەر ئەڵمانیا.


مانگی تەموزی رابردوو ووتەبێژی  وەزارەتی دارایی ئەڵمانیا ئاشکرایکرد دەسەڵاتداران لێکۆڵینەوە لە داوایەکی ئێران دەکەن بۆ کێشانەوەی ٣٠٠ ملیۆن یورۆ لە ئەژمارە بانکیەکانیان لە ئەڵمانیا و حەواڵەکردنەوەی بۆ ئێران.
وەرگێڕانی: کامەران ئەحمەد



  • ڕۆژ
  • هەفتە
  • مانگ
created by Avesta Group and powered by Microsoft Azure