یۆنان: وه‌زیرێ كۆچبه‌ران سۆزه‌ك دا كوردان

هەواڵ / کوردستان :: 24/07/2018‌ :: 1715‌ جار بینراوە

دواڕۆژ، نه‌زیر عه‌لی 
وه‌زیرێ كۆچبه‌ران ل وه‌لاتێ یۆنان سۆزدایه‌ نوونه‌رێن كوردان كو جهێن باشتر یێن ئاكنجیبوونێ بده‌ن وان خێزانێن كورد یێن كۆچبه‌ری وه‌لاتێ وان بووین.

دكتۆر ئیبراهیم موسلم، نوونه‌رێ په‌یه‌دێ ل وه‌لاتێ یۆنان بۆ دواڕۆژ گۆت "دیمیتریس بیتساس، وه‌زیرێ كۆچبه‌ران ل وه‌لاتێ یۆنان د داوی چاڤیدتنا دگه‌ل وان سۆزدا كو خێزانێن كۆچبه‌رێن كورد ڤه‌گۆهێزێن جهێن ئاكنجیبوونێ یێن باشتر".

ناڤبۆری خوه‌یاكر "وه‌زیرێ كۆچبه‌ران بۆ وان راگه‌هاند، ئه‌و دێ خێزانێن كورد ژ كه‌ره‌ڤانان ڤه‌گۆهێزن خانییان و شۆقه‌یان و خێزانێن ل ژێر كۆنان دێ ڤه‌گۆهێزێن كه‌ره‌ڤانه‌یان".

موسلم دازانین "نوكه‌ ئاریشه‌یا سه‌ره‌كی یا هه‌موو كۆچبه‌ران ل وه‌لاتێ یۆنان گیرۆبوونا چاڤدیتنێن وانه‌ دگه‌ل حكومه‌تێ كو مافێ كۆچبه‌ریێ بده‌ن وان كو چاڤدیتنێن گه‌له‌ك كۆچبه‌ران بۆ سالا 2021 هاتینه‌ پاشخستن".

لدۆر ره‌وشا وان كۆچبه‌رێ، كورد یێن 25 ئایارا ئه‌ڤ ساله‌ ل كه‌مپا مووریا كه‌ڤتبوون به‌رهێرشێن تووندڕه‌وێن ئه‌ره‌ب و پاكستانی زه‌لالكر"ئه‌و كۆچبه‌رێن كورد بۆ خیڤه‌تگه‌هێن كۆچبه‌ران ل ئه‌سینا هاتینه‌ ڤه‌گۆهاستن و ده‌مێن بهێت، وه‌زاره‌تا كۆچبه‌ران یا یۆنان دێ وان ڤه‌گۆهێزیت كه‌ره‌ڤانه‌یان".

ل گۆره‌ی زانیاریێن دواڕۆژ نوكه‌ ژمارا كۆچبه‌رێن كورد یێن هه‌ر چوار پارچێن كوردستانێ ل وه‌لاتێ یۆنان نێزیكی 35 هزار كۆچبه‌رانه‌ كو پتریا وان یێن رۆژئاڤایێ كوردستانێ نه‌ و هیڤیدكه‌ن بگه‌هنه‌‌‌ وه‌لاتێ سێیه‌م ل ئوروپا. 



created by Avesta Group and powered by Microsoft Azure