باشماخ.. زیاتر لە چوار هەزار تانکەری سوتەمەنی هاوردەی هەرێم کراون

هەواڵ / ئابوری :: 22/07/2018‌ :: 301‌ جار بینراوە

دواڕۆژ، رێبین حەسەن
لەماوەی شەش مانگی رابردووی ئەمساڵ و لەمەرزی نێودەوڵەتی باشماخەوە، لەكۆی (٤٤٠٨) تانكەری جیاوازی سوتەمەنی هاتوو (٤٣٢٢) تانكەری گونجاو بووەو داخڵكراوە و (٨٦) تانكەریش لەپشكنین دەرنەچوون و گەڕێنراونەتەوە بۆ ئێران.


لەوبارەیەوە و بەپێێ‌ ئامارێكی بنكەی تاقیگەی پشكنینی سوتەمەنی باشماخ، كە وێنەیەكی تایبەت دراوەتە دواڕۆژ، هاتووە "ئاماری سەرجەم تانكەری سوتەمەنی هاتوو لەڕۆژی 1/1 بۆ 1/7/2018، چوار هەزار و 408 تەنكەری سوتەمەنی جیاواز هاوردەی ناو مەرزەكە كراوە و دواتریش نموونەیان بۆ پشكنین لێوەرگیراوە".

ئاماژە بەوەشكراوە، هەر تانكەرێك كاتێك هاوردەی هەرێمی كوردستان دەكرێت، لەڕێگەی مەرزی نێودەوڵەتی باشماخەوە، پێویستە سەرەتا لەلایەن بنكەی تاقیگەی پشكنینی سوتەمەنی باشماخەوە پشكنینیان بۆ ئەنجامبدرێت و پاش دەرچوونی نموونەی وەرگیراوی ئەو سوتەمەنییەی ئەوكاتە ڕێگە بەهاوردەكردنی دەدرێت.

ئەوەشخراوەتەڕوو "ئەو تانكەرانەی لەپشكنین دەرنەچوون دەگەڕێنرێنەوە بۆ ئێران، كە بەمشێوەیە بووە:

(٣٧٢٩) تانكەری بەنزین و لەو بڕەش (٣٦٨٢) گونجاو بووە و  ٤٧ تانكەر نەگونجاو بووە.

هەر بەپێی ئامارەكە، ٦٦٨ تانكەری گاز هاوردەكراوە و ٦٢٩ تەنكەریان گونجاو بووە و ٣٩ تانكەر نەگونجاو بووە و 11 تانكەری نەوتیش هاوردەكراوە و سەرجەمیان گونجاو بوون.

لەكۆتایی ئامارەكە باسلەوەكراوە، بەم شێوەیە لەكۆی (٤٤٠٨) تەنكەری سوتەمەنی هاتوو (٤٣٢٢) تانكەری گونجاو بووە و داخڵكراوە و (٨٦) تەنكەریش لەپشكنین دەرنەچوون و گەڕێنراونەتەوە بۆ ئێران.



created by Avesta Group and powered by Microsoft Azure