دهۆك: بۆ چێكرنا خوارنێ نه‌فت لسه‌ر ئاواره‌یان هاته‌ به‌لاڤكرن

هەواڵ / کوردستان :: 17/07/2018‌ :: 209‌ جار بینراوە

دواڕۆژ، بورهان یه‌حیا
به‌رپرسێ راگه‌هاندنا كه‌مپێن پارێزگه‌ها دهۆك خویاكر "پرۆسه‌یا به‌لاڤكرنا نه‌فتێ لسه‌ر ئاواره‌یان ده‌ستپێكرییه‌ و هه‌ر سه‌رۆك خێزانه‌ك دێ 40 لتران وه‌رگریت و دێ بۆ چێكرنا خوارنێ مفا ژێ هێته‌ وه‌رگرتن.


شڤان عیسا، بەرپرسێ لژنا بەلاڤکرنا نه‌فتێ ل بۆردێ کاروبارێن مرۆڤایەتى ل پارێزگه‌ها دهۆك بۆ دواڕۆژ رۆهنكر "بەردەوامی دانا گەھاندنا ھاریکاریان و خزمەتان بۆ ئاواره‌یان ل سنورێ پارێزگەھا دھۆک پرۆسه‌یا بەلاڤکرنا گازا سپی ل سەر ئاواره‌ان ل کەمپان دەستپێکر و رێڤەبەریا کوچ و کوچبەران ل ئیراقێ ب ھەڤکاری دگەل بۆردێ کاروبارێن مرۆڤایەتی BRHA ب هه‌ماهه‌نگى و هه‌ڤكارییا ئێك ب ڤى كارى رابووینه‌".

خویاكر "ھەر سەرۆک خێزانه‌ک دێ ٤٠ لتران وەرگرت و پرۆسە ل کەمپێن (داودیێ، بیرسڤێ١و ٢) ب دووماھی ھات و یا بەردەوامە ھەتا ل سەر ھەموو کەمپێن ئاواره‌یان ل سنۆرێ پارێزگەھا دھۆک بھێته‌ بەلاڤکرن".

دیاركر "ئارمانجا بەلاڤکرنا گازا سپی ل ڤی وەرزێ سالێ دا تنێ وەک ھاریکاری یە بۆ خێزانێن ئاواره‌یان بۆ بکارئینانا گازێ بۆ چێکرنا خوارنێ و پێدڤیێن وان".



  • ڕۆژ
  • هەفتە
  • مانگ
created by Avesta Group and powered by Microsoft Azure