وەزارەتی خوێندنی باڵا ٨٩ سکۆلارشیپی بەخشیە پەنابەرانی سوریا

هەواڵ / کوردستان :: 16/07/2018‌ :: 286‌ جار بینراوە

دواڕۆژ، هانا چۆمانی
ئێوارەی ئەمڕۆ دووشەممە ١٦ی تەموزی ٢٠١٨، دکتۆر یوسف گۆران وه‌زیری خوێندنی باڵا و توێژینه‌وه‌ی زانستی، لە مەراسیمێکدا به‌خشینی ٨٩ سكۆلارشیپی بە به‌خوێندكارانی پەنابەری سوری راگەیاند.

د. یوسف گۆران وه‌زیری خوێندنی باڵا و توێژینه‌وه‌ی زانستی، لە وتارێکیدا رایگەیاند "هیوامان وایە بتوانین دەرفەت بۆ خوێندکارە سورییەکان بڕەخسێنین، بۆئەوەی بتوانن پەرە بە تواناکانیان بدەن، خوێندن بەسەرکەوتووی تەواو بکەن و بڕوانامەی بەرز بەدەست بهێنن".

وتیشی "ئێمە پشتیوانى تەواو لە پرۆگرامی (HOPES) دەکەین، کە یەکێکە لەو پرۆگرامانەى، دەستى ئاوارە و پەنابەرانى گرتووە وایلێکردون لە ژینگەیەکى خراپەوە بیانگوازێتەوە بۆ ژینگەیەکى باشتر".

وەزیری خوێندنی باڵا هێمای بۆ ئەوەشکرد "بەخۆشحاڵیەوە (٨٩) خوێندكار لە سکۆلارشیپەکانی هەرێمی کوردستان لە خوێندنی باڵا وەرگیراون و درێژە بە خوێنندن دەدەن و رێکخراوە جیهانیەکان بەشێکی خەرجیەکانیان بۆ دابین دەکەن و بە هاوکاری وەزارەتمان ئەرکەکە تەواو دەبێت".

‌پرۆگرامی (HOPES) یه‌كێكه‌ له‌ به‌رنامه‌ هاوبه‌شه‌كانی (یەکێتیى ئەوروپا، بریتیش کاونسڵ، ڕێکخراوى داد، نۆفیک و کامپەس فرانس) و بڕی (12) میلۆن یۆرۆی بۆ ته‌رخانكراوه‌، به‌هۆی ئه‌و پرۆگرامه‌وه‌ ده‌رفه‌تی خوێندن بۆ پەنابەرەکانی سوریا له‌ وڵاته‌كانی (مصر، توركیا، لوبنان، ئەردەن، هه‌رێمی كوردستان) ده‌ڕه‌خسێنرێت.

 



  • ڕۆژ
  • هەفتە
  • مانگ
created by Avesta Group and powered by Microsoft Azure