وەزیری تەندروستی ئاستەنگەکانی روبەڕووبونەوە تای خوێنبەربوون ئاشکرادەکات

هەواڵ / کوردستان :: 10/07/2018‌ :: 458‌ جار بینراوە

دواڕۆژ، هانا چۆمانی
لەکۆبوونەوەی ئەمڕۆی ليژنەی تەندروستی پەرلەمان و بەرپرسانی وەزارەتی تەندروستی، وەزیری تەندروستی رایگەیاندووە، نەبوونی پارە و بودجە و کەلوپەلی پزیشکی پێویست هۆکارە بۆ ئەوەی نەتوانن وەکو پێویست هەنگاو بۆ بنبڕکردنی نەخۆشی تای خوێنبەربوون بنێن.


ليژنەی تەندروستی و ژینگەی پەرلەمانی کوردستان لە راگەیاندراوێکدا دەڵێت "به‌مه‌به‌ستی له‌نزیكه‌وه‌ ئاگاداربوون له‌دوایین پێشهات و رێوشوێنه‌كان بۆ رێگریكردن له‌ بڵاوبوونه‌وه‌ى نه‌خۆشی تای خوێنبه‌ربوون، ئه‌مڕۆ سێشه‌ممه‌ ١٠ تەمموزری ٢٠١٨، له‌گه‌ڵ وه‌زیری ته‌ندروستی و به‌ڕێوبه‌ری ته‌ندروستی هه‌ولێر كۆبوینەوە و تاوتوێی مەترسیەکانی ئەو نەخۆشیەمان کرد".

دەشڵێت "وه‌زیری ته‌ندروستی باسی له‌و به‌ربه‌ست و ئاستەنگانە کرد كه‌ بوونه‌ته‌ رێگر بۆ راپه‌ڕاندنی كاره‌كانیان به‌شێوه‌یه‌كی خێراتر و هەنگاونان بۆ بنبڕکردنی نەخۆشی تای خوێنبەربوون، کە پیویستی وەزارەتن".

لە راگەیەندراوەکەدا ئەوەش رونکراوەتەوە، وەزیری تەندروستی ئاماژەی بە‌ نه‌بوونی بودجه‌ی پێویست و كه‌می پێداویستییه‌كانی ته‌ندروستی و پزیشکی و هەروەها ده‌رمان و ته‌واونه‌كردنی نه‌خۆشخانه‌ تازه‌كان، وایانکردوە وەزارەت نەتوانێت وەکو پێویست هەنگاو بنێت و روبەڕووی کۆمەڵێک نەخۆشی ببێتەوە.



  • ڕۆژ
  • هەفتە
  • مانگ
created by Avesta Group and powered by Microsoft Azure