خۆپیشاندانەكانی باشوری ئێران فراوانتر دەبن

هەواڵ / جیهان :: 10/07/2018‌ :: 166‌ جار بینراوە

تاگ :: جیهان

دواڕۆژ
خۆپیشاندانەكانی باشوری ئێران لە شارەكانی ئەبادان و خوڕەمشەهر و كازرون بەردەوامە و دەگاتە شارەكانی دیكە بە تایبەت بوشەهر و بەرازجان.


سایتی فارسی ئیران ئینتەرنەشناڵ، ئەمڕۆ سێشەممە 10ی تەموز، بڵاویكردەوە "دانیشتوانی  شاری بەرازجان بۆ دوویەمین شەو خۆپیشاندانیان ئەنجامداوە".

هۆكاری سەرەكیی ناڕەزاییەكانی خەڵكی شارەكەیش، وەك سایتەكە روونیكردووەتەوە: كەمی و سوێریی و پیسبوونی ئاوی خواردنەوەیە، لەگەڵ  بابەتێكی تردا كە مشتومڕێكی زۆری لەسەر دروستبووە، ئەویش ئەوەیە كە شارەكە بووەتە شوێنی سزای دوورخستنەوەی زیندانییەكان، "واتە ئەو شارە بە شوێنێكی نەگونجاو بۆ ژیان دادەنرێت و یەكێك لە سزا قورسەكانی زیندانییەكانی  ئێران، ناردنیانە بۆ شاری بەرازجان". ئەمەیش كاریگەریی هەبووە لەسەر دابەزینی سەنگ و قورسایی و پێگە و ناوبانگی شارەكە لە گشت بوارەكاندا.

هاوكات لە شاری گۆناباد-ی سەر  پارێزگای خۆراسانی رەزەوی، بە هۆی نەبوونی كارەبا لە ناوەندە پیشەییەكاندا، زیانێكی یەكجار زۆر لە كێلگەكانی پەلەوەر كەوتووە و خاوەنی ئەو كێڵگانەیش، خۆپیشاندانیكی بەربڵاویان دەستداوەتێ‌.

سەرچاوە ئێرانیەكان دەڵێن "بە هۆی بەرزیی پلەكانی گەرما، بەتایبەت لە ناوچەكانی باشوری وڵاتدا، خۆپیشاندانەكان لە ئێواران و شەواندا ئەنجام دەدرێن". 




  • ڕۆژ
  • هەفتە
  • مانگ
created by Avesta Group and powered by Microsoft Azure