چەند وڵاتێك بۆ یەكەمجار بەرزترین پلەی گەرما تۆماردەكەن

هەواڵ / جیهان :: 09/07/2018‌ :: 1327‌ جار بینراوە

دواڕۆژ
ژمارەیەك شارەزای بواری كەشناسی بڵاویانكردووەتەوە، چەند دەوڵەتێكی جیهان، بەمدواییانە بەرزترین پلەی گەرمایان تێدا تۆماركراوە كە بووەتەهۆی مردنی چەندین كەس.

شاری كاستلیدێرگ لە باكووری ئێرلەندا بەرزترین پلەی گەرمای تۆماركرد، لەڕۆژی 29ی ئەم مانگەدا كە 30.1 پلەی سیلیزیی بوو کە بەرزترین بووە لەمێژووی ئەو وڵاتەدا.

لەلایەكی ترەوە لەشاری تیبلیسی جۆرجیا، پلەكانی گەرما ئەم هەفتەیە 40.5 پلەی سیلیزیی بووە، هاوكات 42 پلەی سیلیزیش لە شاری یەریڤانی ئەرمینیا تۆمارکراوە بەپێی پێگەی (ستاندارد)ی جیهانی.

رۆژنامەی واشنتۆن پۆست روونیكردووەتەوە، پلەی گەرما لە شاری دێنڤەر لەكۆلۆرادۆ رۆژی 28ی ئەم مانگە گەیشتووەتە 40.6 پلەی سیلیزیی، كە ئەوەش یەكەمجارە رووداوی لەوجۆرە لەو شارە رووبدات.

لەشاری قەریعاتیش لەوڵاتی عوممان، نزمترین پلەی گەرما تۆماركراوە، كە 42.6 پلە بووە لە 26ی ئەم مانگە كە ئەوەش بۆ یەکەمجارە كە بۆ نزمترین ئاستی پلەی گەرما تۆماركرابێت لەجیهاندا لەو وڵآتە، بەپێی ئینسكلۆپیدیای گینیس لەجیهاندا.

جێی وەەبیرهینانەوەیە، بەرزبوونەوەی پلەكانی گەرما لە كەنەدا هەفتەی رابردوو 54 گیانلەدەستدانی بەدوای خۆیدا هێنا، بەجۆرێك پلەی گەرما لەشاری مۆنتریال گەیشتە 36.6 پلەی سلیزی لەمانگی تەمموزدا.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە