دهۆك: بازرگان كار لسه‌ر كه‌رتێن ئاڤه‌دانكرن و ڤه‌گوهاستنێ ل مووسل دكه‌ن

هەواڵ / ئابوری :: 08/07/2018‌ :: 207‌ جار بینراوە

دواڕۆژ، بورهان یه‌حیا
رێڤه‌به‌رێ كۆمپانییان ل سنۆرێ پارێزگه‌ها دهۆك خویاكر، پشتی حوكمه‌تا هه‌رێمێ رێكا دناڤبه‌را مووسل و دهۆك ڤه‌كری كۆمپانیێن دهۆك د بیاڤێن ئاڤه‌دانكرن و ڤه‌گوهاستنێ كار ل مووسل دكه‌ن.

شێروان حیتۆ، رێڤه‌به‌رێ كۆمپانییان ل سنۆرێ پارێزگه‌ها دهۆك بۆ دواڕۆژ رۆهنكر "پترییا كۆمپانیێن سنۆرێ پارێزگه‌ها دهۆك دووباره‌ ده‌ست ب رێكخستنا خۆ كرینه‌ و هه‌موو بزاڤێن وان ئه‌وه‌ مفای ژ لڤینا بازاڕی وه‌ربگرن و بۆ ڤێ چه‌ندێ ژی به‌شه‌ك ژوان تایێن خۆ ل مووسل ڤه‌كرینه‌ و به‌رده‌وام هاتنوچۆن ژ دهۆك بۆ مووسل ژلایێ بازرگان و وه‌لاتیێن ئاسایی ڤه‌ هه‌یه‌ و ئه‌ڤه‌ پالده‌ره‌كه‌ بۆ گه‌شه‌یا ئابووری و هه‌ر دوو لا دێ مفای ژێ وه‌رگرن".

دیاركر "كۆمپانیێن سنۆرێ دهۆك پتر ل هه‌ر دوو كه‌رتێن ئاڤه‌دانكرن و ڤه‌گوهاستنێ مفای ژ بزاڤا ئابووری ل مووسل وه‌ردگرن چونكو جارێ پێدڤییا سه‌ره‌كییا مووسل ب ڤان هه‌ر دوو كه‌رتان هه‌یه‌ و بۆ ڤێ مه‌ره‌مێ ژی سه‌ره‌دانا كۆمپانییان بۆ رێڤه‌به‌ریێ ب مه‌ره‌ما دووباره‌ خۆ رێكخستنێ زێده‌تر لێهاتییه‌".

خویاكر "رێژیه‌كا باش ژ كۆمپانیێن توركی نوونه‌راتییا خۆ ل دهۆك هه‌یه‌ و پشتی ڤه‌كرنا رێكێ نوكه‌ ئه‌ڤ كۆمپانیێن ته‌ركی ل دهۆك دشێن هه‌موو به‌رهه‌مێن خۆ بهنێرنه‌ مووسل، به‌غدا و به‌سرا و جهێن دی و ئه‌ڤه‌ وه‌كرییه‌ كریارا كرین و فرۆشتنێ زێده‌تر لێ بهێت".

ل سنۆرێ پارێزگه‌ها دهۆك 3620 كۆمپانیێن ناڤخۆ و بیانی هاتینه‌ تۆماركرن كو به‌شه‌ك ژوان ژبه‌ر هاتنا قه‌یرانێ چالاك نینن.



created by Avesta Group and powered by Microsoft Azure