داخواز ژ نه‌ته‌وه‌یێن ئێكگرتى دهێته‌كرن هاریكاریا ئاواره‌یێن عه‌فرین بكه‌ت

هەواڵ / کوردستان :: 05/07/2018‌ :: 184‌ جار بینراوە

دواڕۆژ، دهۆك
په‌یوه‌ندیێن دیپلۆماسى یێن گشتى ل باكورێ سوریایێ د به‌یانامه‌كێدا هه‌لوه‌ستێ خوه‌ لدۆر ره‌وشا سوریا خوه‌یاكریه‌‌ و داخواز ژ نه‌ته‌وه‌یێن ئێكگرتى كریه‌ هاریكاریا ئاواره‌یێن عه‌فرین بكه‌ت.


د وێ به‌یانامێدا كو ئه‌ڤرۆ پێنجشه‌مبى 5-ێ ته‌مۆزێ به‌لاڤبوویه‌ و گه‌شهتیه‌ دواڕۆژ هاتیه‌"ئه‌ركێ جڤاكێ نێڤده‌وله‌تییه‌ ده‌رباره‌ى ره‌وشا عه‌فرین به‌رپرسیاره‌تیا خوه‌ پێكبینن، چنكو بنپێكرنێن ده‌وله‌تا تركیا ژ كۆشتن و ره‌ڤاندن و ئه‌شكه‌نجه‌دانا عه‌فرینییان رۆژانه‌ ب هاریكاریا چه‌ته‌یێن ل وى باژارى به‌رده‌وامن، لێ جڤاكێ نێڤده‌وله‌تى به‌رامبه‌ر ڤان روودانان بێده‌نگه‌".

ده‌رباره‌ى ره‌وشا ئاواره‌یێن عه‌فرین گۆتیه‌‌‌"داخواز ژنه‌ته‌وه‌‌یێن ئێكگرتى دكه‌ین هاریكاریا ئاواره‌یێن عه‌فرین یێن ل كه‌مپێن شه‌هبا بكه‌ن، چنكو ره‌وشا وان ژئالیێ خزمه‌تگۆزاریان گه‌له‌ك خرابه‌ كو ژمارا وان زێده‌تر 150 هزار كه‌سانه‌‌‌".

لدۆر هه‌بوونا له‌شكه‌رێ تركیا ل عه‌فرین"داخواز هاتیه‌ كرن ده‌وله‌تا تركیا ژ وى باژارى ده‌ركه‌ڤیت، چنكو هه‌بوونا تركیا ل عه‌فرین دژى كوردان و هه‌رێمێ بگشتى مه‌ترسىییه‌". 

وێ به‌یانامێ ئاماژه‌ ب دانوستاندنێن دگه‌ل رژێما سوریایێ ژى كریه"‌ئه‌م چاره‌سه‌ریا دانوستاندنان هه‌رده‌م قبول دكه‌ین، لێ هه‌تا نوكه‌ چو گاڤێن جدى ژئالیێ رژێما سوریایێ بۆ دانوستاندنان نینن".

په‌یوه‌ندیێن دیپلۆماسى یێن گشتى ل باكورێ سوریایێ، ده‌رباره‌ى ده‌ستورێ سوریاژى زه‌لالكریه‌"ئه‌م گرنگیێ ده‌ینه‌ ده‌ستوره‌كێ دیموكراسى كو ژ ئالیێ هه‌موو گه‌لێ سوریێ بهێته‌ ئاماده‌كرن و پشكداربوونا باكورێ سوریێ د ئاماده‌كرنا وى ده‌ستوریدا مافه‌كێ ره‌وایه‌".

لدۆر روودانێن ل باشورێ سوریا ژى پێكدهێن دایه‌ زانین"ئالۆزیێن ل باشورێ سوریایێ ب رێكا له‌شكه‌رى و شه‌ڕان ناهێـنه‌ چاره‌سه‌ركرن".



  • ڕۆژ
  • هەفتە
  • مانگ
created by Avesta Group and powered by Microsoft Azure