دواڕۆژ زانیاری لەبارەی رووداوەكانی شەوی رابردو و ئەمڕۆی سلێمانی بڵاودەكاتەوە

هەواڵ / کوردستان :: 03/07/2018‌ :: 923‌ جار بینراوە

تاگ :: سلێمانی

دواڕۆژ، هۆگر كەمال
 لە شەوی رابردوو تاكو بەیانی ئەمڕۆ چوار رووداوی ئاگركەوتنەوە لە سلێمانی روویانداوە و بەهۆیەوە ئۆتۆمبێلێكی سەربازی بە چەك و تەقەمەنییەوە سووتاوە و پێنج كەس برینداربوون و جبەخانەیەكی تەقەمەنی هێزەكانی 70 ش سووتاوە.

سەرچاوەیەك لە بەرگری شارستانی سلێمانی، كە نەیوست ناوی بهێنرێت بە دواڕۆژی وت "كاتژمێر 10:20 خولەكی شەوی رابردوو ئاگر لە جبەخانەیەكی هێزەكانی 70 لە تاسڵوجە كەوتەوە، بەهۆیەوە چوار پێشمەرگە و كارمەندێكی بەرگری شارستانی بە سووكی برینداربوون و كاتژمێر 2:45 خولەكی بەرەبەیان توانرا كۆنتڕۆڵی ئاگرەكە بكرێت".

وتیشی "هێزەكانی 70 بەرپرسن لە لێكۆڵینەوە و ئاشكراكردنی هۆكاری راستەقینەی روودانی رووداوەكە".

ئاماژەی بەوەشدا "كاتژمێر 12:37 خولەكی بەرەبەیان رووداوێكی ئاگركەوتنەوەی پوش و پەڵاش لە چیای گۆیژە روویداوە و توانراوە كۆنتڕۆڵ بكرێت، هەروەها كاتژمێر 1:26 خولەكی بەرەبەیان لە گەڕەكی بەكرەجۆی تازە ئۆتۆمبێلێكی سەربازی ئەفسەرێكی هێزەكانی 70 بەهۆی كەوتنەوەی ئاگری پوش و پەڵاش گڕی گرتووە و بەسەرجەم ئەو چەك و تەقەمەنیانەی تێیدا بووە سووتاوە و تیمەكانمان كۆنتڕۆڵی ئاگرەكەیان كردووە".

ئەوەشی خستەڕوو "كاتژمێر 9:32 خولەكی بەیانی ئەمڕۆش ئاگرێك لە ناوچەی كەڵەوانان كەوتۆتەوە و بۆتە هۆی سوتانی پوش و پەڵاش و تیمەكانمان كۆنتڕۆڵی ئاگرەكەیان كردووە".



  • ڕۆژ
  • هەفتە
  • مانگ
created by Avesta Group and powered by Microsoft Azure