وه‌زاره‌تى تەندروستی حاڵەتى نەخۆشییەكەی سۆران ئاشكراده‌كات

هەواڵ / کوردستان :: 30/06/2018‌ :: 6307‌ جار بینراوە

دواڕۆژ،ئاوارە حەمید
ئەنجامی پشكنینی حاڵەتە نەخۆشیەكەی قەزای سۆران لە بەغداوە گەڕایەوە هەولێر و ئەنجامەكەش تای خوێنبەربوون بووە و تەندروستی هەولێریش دەڵێت "هەموو رێگایەك گیراوەتەبەر و سبەینێش ئەنجامەكەی رادەگەیەنرێت".


پێشتر دواڕۆژ بڵاویكردەوە كە حاڵەتێكی نەخۆشی گوماناوی لە نەخۆشخانەی ئاشتی لە قەزای سۆران تۆماركراوە و نەخۆشخانەكە داخراوە.

فاخر كرمانجی، بەڕێوەبەری راگەیاندن لە بەڕێوەبەرایەتی گشتی تەندروستی هەولێر بە دواڕۆژی راگەیاند "دوای ئەوەی ئەنجامی ئەو حاڵەتە نەخۆشیەی قەزای سۆران نێردرا بۆ بەغدا ئەنجامەكەی گەڕایەوە".

وتیشی، گومانمان هەبوو كە حاڵەتەكە تای خوێنبەربوون بێت و ئەنجامی پشكنین كە گەڕایەوە پشتڕاستی كردەوە، كە حاڵەتەكە تای خوێن بەربوون بووە و سبەینێش بە شێوەیەكی فەرمی وەزارەتی تەندروستی ئەنجامەكەی رادەگەینێت.



created by Avesta Group and powered by Microsoft Azure