لە ١٤ شاری تورکیا دەنگەکان دووبارە ئەژمار دەکرێنەوە

هەواڵ / جیهان :: 27/06/2018‌ :: 326‌ جار بینراوە

تاگ :: تورکیا

دواڕۆژ
دوای راگەیاندنی ئەنجامە بەراییەکانی هەڵبژاردنە سەرۆکایەتی و پەرلەمانیەکەی تورکیا لەلایەن ئەنجومەنی باڵای هەڵبژاردنەکانی ئەو وڵاتەوە، بەهۆی تۆمارکردنی سکاڵا لەسەر ئەنجامەکانی ١٤ شاری تورکیا بڕیار درا دووبارە دەنگەکانی ئەو شارانە ئەژمار بکرێنەوە، کە بەشێک لەو شارانەش کورد نشینن.


بەگوێرەی بڕیارەکە لە شارەکانی دوزجە و مەلاتیا و ئایدن و هەتای و ئەلازیز و ئەدیرنە و بارتن و موغڵە و باڵکئەسیر و موش و هەکاری و چەن شارێکی دیکە دەنگەکانی هەڵبژاردنەکانی ٢٤ی ئەم مانگەی تورکیا دووبارە ئەژمار دەکرێنەوە.


ناڕەزایەتیەکان لە هەر شارە و لەلایەن لایەنێک یان چەند لایەنێکی سیاسیەوە تۆمارکراون و توانجیان لە ئەنجامی هەڵبژاردنەکان لەو شارانە دراوە.


بەگوێرەی ئەو ئەنجامە بەراییانەی ئەنجومەنی باڵای هەڵبژاردنەکانی تورکیا رایگەیاندوە لە هەڵبژاردنەکاندا نزیکەی ٥٩ ملیۆن کەس مافی دەنگدانی هەبووە و لەو ژمارەیەش زیاتر لە ٥١ ملیۆن کەسیان دەنگیان داوە و لەسەدا سەدی ١٨٨ هەزار سندوقەکان کراونەتەوە. یەک ملیۆن و ٥٣ هەزار و ٣٦٢ دەنگیش بە پوچەڵ لەقەڵەم دراوە.


وەرگێڕانی: کامەران ئەحمەد  



  • ڕۆژ
  • هەفتە
  • مانگ
created by Avesta Group and powered by Microsoft Azure