"نێزیكی 70%ى ئاواره‌یێن مه‌سیحییان ڤه‌گه‌ریان‌‌ ده‌شتا مووسل"

هەواڵ / کوردستان :: 27/06/2018‌ :: 227‌ جار بینراوە

تاگ :: ئاواره‌

دواڕۆژ، دهۆك
یه‌ك ژ رێكخه‌رێن ئاواره‌یێن مه‌سیحییان ل هه‌رێما كوردستانێ راگه‌هاند، نێزیكی 70% ژ ئاواره‌یێن مه‌سیحییان یێن قه‌ستا هه‌رێما كوردستانێ كرین ڤه‌گه‌ریان‌ جهێن خوه‌.


فه‌همی بابه‌ك، بۆ دواڕۆژ گۆت "پتریا ئاواره‌یێن مه‌سیحییان یێن ژ ده‌ڤه‌رێن تلسقۆف و به‌عشیقا قه‌ستا دهۆك كربوون، ڤه‌گه‌ریاینه‌ مالێن خوه‌ كو نێزیكی 90% ئاواره‌یێن تلسقۆف ڤه‌گه‌ریاینه‌".

ده‌رباره‌ی ئاواره‌یێن ئه‌لقۆش و به‌رتله‌ یێن چووینه‌ هه‌ولێر خوه‌یاكر "13 هزار خێزانێن مه‌سیحییان ئاواره‌ی هه‌ولێر ب بوون، لێ پشتی ئازادكرنا ده‌ڤه‌رێن وان ل ده‌شتا مووسل نوكه‌ بتنێ نێزیكی 1000 خێزانان ماینه‌ ل هه‌ولێر و پتریا ئاواره‌یێن دی ڤه‌گه‌ریانه‌ جهێن خوه‌ و زێده‌تر ژ 1000 خێزانان ژی چووینه‌ ژ ده‌رڤه‌ی ئیراقێ".

ناڤبۆری دازانین "خێزانێن ئاواره‌ یێن تلكێف نه‌ڤه‌گه‌ریاینه‌ مالێن خوه‌، چنكو ئه‌و ده‌ڤه‌ر نه‌هاتینه‌ ئاڤاكرن و خزمه‌تگۆزاریێن ژیانێ نینن".

ده‌مێ داعش ل ده‌شتا مووسل هێرشی ده‌ڤه‌رێن مه‌سیحییان كری، نێزیكی 100 هزار ئاواره‌یێن مه‌سیحییان ئاواره‌یی پارێزگه‌هێن هه‌رێما كوردستانێ بوون.



  • ڕۆژ
  • هەفتە
  • مانگ
created by Avesta Group and powered by Microsoft Azure