خۆپیشاندانەكانی تاران دەگاتە شارەكانی تر

هەواڵ / جیهان :: 26/06/2018‌ :: 450‌ جار بینراوە

تاگ :: جیهان

دواڕۆژ
خۆپیشاندانەكانی شاری تاران-ی پایتەختی ئێران كە لە ڕۆژی یەكشەممە 24ی حوزەیرانەوە بە هۆی ناجێگیریی نرخی دراو و بارودۆخی ئاڵۆزی ئابوری لە تاران زیاتر پەرەیسەندووە، بۆ شارەكانی دیكەی ئێران تەنیوەتەوە.

بی بی سی فارسی لە ڕاپۆرتێكدا دەڵێت "بەرز و نزمی و ئاڵۆزییەكانی بازاڕی دراو، بازاڕەكانی تارانی گرتووتەوە و كاسبكارانی ئەو شارە دوكان و بازاڕەكانیان داخستووە و چوونەتە سەر شەقامەكان".

ئەو مانگرتنە، ئەمڕۆ سێشەممە 26ی حوزەیرانیش درێژەی هەیە و لە شارەكانی دیكەی وەكو كەرەج و قەزوێن و زەنجان و دورگەی قشم و چەندین شاری دیكە دەستیپێكردوە.

بەپێی ڕاپۆرتەكەی بی بی سی دوێنی پۆلیس بە گازی فرمێسكڕیژ پەلاماری ئەو خۆپیشاندەرانەی داوە كە بەرامبەر پەرلەمانی ئێران كۆبووبوونەوە و ناڕەزایەتییان  دەربڕیوە.



  • ڕۆژ
  • هەفتە
  • مانگ
created by Avesta Group and powered by Microsoft Azure